蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年11月25日

【金融中心】鍾國斌:美報告非單純吹水

15,896
建立時間 (HKT): 1125 12:51

「好多人話呢啲報告都係吹下水,幾時有見過佢會有做嘢」,和美國做生意30年,自言熟知美國人做事方式的鍾國斌認為,今次美中委員會的報告不光是「吹水」,「以往未見過,真係有建議出嚟點樣去做。」

相關新聞:【金融中心】港珠寶商:美市場成熟 難減少依賴

鍾國斌又認為,無論民主黨還是共和黨,都有共識中國是一個威脅,加上特朗普總統以生意人的方式思考,「唔會理你合作幾耐有幾好關係,為自身利益佢會做到最盡」,所以他由一開始就提醒特區政府,不能輕視美國真的對香港「出手」的危險。

他認為現時香港已經成為中美貿易角力的「籌碼」,「好似玩show hand,『晒冷』就將你香港晒埋出去。」而若美國真的對香港出手,亞太區的日本、南韓、菲律賓以至西方國家都會跟隨,「你香港可以做到啲咩」。

相關新聞:【金融中心】失獨立關稅地位 香港玩完?

他認為目前關鍵,除了特區政府加強遊說本地美商外,亦要避免落人口實,「唔好畀咁多藉口人哋搞你,唔好咁多口水」,他強調美國的行動全部基於本國政治利益,和香港法治以至23條立法等無關,但他在報告公布後決定撤回本來提出的23條立法議案,「23條嚴格嚟講係無關係,但我睇完(報告)後覺得唔多妥,唔好畀人咁多口實,因為佢個報告寫埋(23條)喺度。」

時事評論員王慧麟就認為,美國現時提出關稅以至香港政策法,是在美中關係角力中打的「香港牌」,在美國透過日韓台灣等圍堵中國下,「你一定要靠香港,得返一個出口,袋喺袋度隨時拎出嚟,呢張香港牌非常好用」,而到底美國會不會和何時會打出這張「香港牌」,視乎習近平和特朗普在G20峰會的會面結果的影響。

王慧麟相信特區政府都明白問題嚴重性,「林鄭月娥早兩日話下年多啲外訪宣傳一國兩制,就係發覺唔掂,但佢又唔可以口頭話你知唔掂」,但他對特區政府這類外訪的成效有質疑,例如商務及經濟發展局局長邱騰華9月訪問遊說,未見成果,日後特區政府應考慮透過商界甚至民主派人士加入遊說,「亦可以趁呢個機會同泛民改善關係,請泛民出手幫佢,泛民無理由會推。」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載