› 選擇地區
三藩市
紐約
洛杉磯
其他美國地區
香港 台灣 北美
 
2018年12月16日

【BizStarter】美聯六君子自立門戶 創網上平台「免費放盤」「免拆佣」

建立時間 (HKT): 1216 00:00

參加兵變是叛徒還是義士,任由歷史來宣判。余韋達(Pierre)在4年前,聯同4位在美聯打江山十多年的好兄弟聲援被逼宮的大佬,被稱「美聯六子」,明知送死,即使仔細老婆嫩,仍義無反顧。炒了!慘了?他說:「人對眼生喺前面」是上天的啟示,叫人永不回望。

相關新聞:【BizStarter】靠無聊Game撼贏騰訊!Voodoo手遊 上位靠三招

螫伏一年,六子過檔Q房網東山再起。高峰期他管理4間分行帶50人,去年突然裸辭,「我94年入行5,000蚊底薪,今日如果唔係最低工資可能仍然都係5,000蚊」,行業老化,加上鋪租蠶食利潤,拉攏兩位投資者合資約千萬元,開辦網上搵樓平台House101,如網上代理行,減省舖租成本,不與經紀拆佣,改以年費形式,試圖顛覆傳統拆佣制。他強調,經紀不會被時代淘汰,因為「經紀係買賣中間嗰個潤滑劑」。

經紀搵食 其實艱難

相關新聞:【BizStarter】拆散老婆勞力士 婚攝師變製錶師:有一隻賣過百萬!

2014年農曆新年前,美聯港島區董事楊永健突然被炒,5位聲援他的前線主管亦被炒魷,余韋達是其中一位。事別四載,無悔當初,「做人唔可以忘本,有啲義氣囉!」,「預咗失敗添,老套啲講唔一定為五斗米折腰嘅。真係試過拋頭顱灑熱血去做一件事嘅時候,老咗可以好多嘢同啲仔女講番。有時錢係重要,不過友情都重要。」

是享受了地產黃金十年好天斬埋好多落雨柴嗎?「好多人將我哋嗰個(經紀)收入曲解咗啦,譬如一個經紀開咗張單一百萬,佢淨袋30萬呀!個個月搵30萬好犀利呀!但記住喎,嗰張單可能係佢過往一年唯一一張,除返月薪都係兩萬零蚊。係呀,2007年高峰期,真係每月搵幾十萬,但講緊十年一遇……而且嗰段時間唔係個個捱得住,三個月冇放假,日以繼夜一擘大眼就做做做做到好攰就瞓覺,呢啲生活都唔係個個頂得住囉!真係好天斬埋落雨柴,但如果唔好彩遇到好大雨,啲柴好大碌都會慢慢燒埋。」

當時仔細老婆嫩,但他深信:「無諗過行咗出去就無收入,世界唔係即刻玩完。」有無後悔過參加兵變?「冇後悔過,點可以成日望返過去做錯咗啲乜。人對眼生喺前面,你個頭唔可以擰去後面,原因係乜?上天畀咗提示你,你要向前望,唔可以望返轉頭。」

不甘行業守舊 自建網上搵樓平台

被美聯炒後,曾打算過檔中原地產、利嘉閣,但最終選擇跟多年好兄弟齊加盟Q房網,重返昔日山頭北角,高峰期掌管4間分行管約50人,然而去年突然裸辭,他指:「2015至17年啲舖租貴到嚇死人,唔可能不斷掟錢搶舖,一間舖四、五十萬租喎,一個月眨下眼就過,每日淨租金講緊幾萬蚊喎,係咪每日返到幾萬蚊生意返嚟呢!」

Q房網要求新思維,日諗夜諗諗到一日靈光一閃,覺得行之多年的拆佣制過時。去年拉攏兩位朋友合資逾千萬元,花近一年籌備網上搵樓平台,名為「House101」,「我94年入行5,000蚊底薪,去到今日如果唔係有最低工資可能仍然係5,000蚊。地產代理喺香港有四、五十年歷史,底薪加拆佣方式五十年不變喎?今時今日你仲會唔會劃火柴呢?火柴係冇人用囉!」

他愈講愈有火:「你話你哋羨慕緊地產代理搵好多錢,其實真係搵到錢嘅地產代理可能佔20至25%,七成人收入都係普普通通,甚至係最bottom嗰堆,根本係搵唔到錢,收入係貧窮線以下嘅!佢開唔到單,五、六千蚊一個月,唔好講理想啦,開飯都成問題啦,佢哋唔努力?唔識開單?其實係做到嘢㗎喎!」

他認為,行業老化,拆佣有問題,無奈經營代理行成本高。他舉例,促成一宗2萬元的租賃成交,在大型代理行,經紀個人實收2,500元,促成一宗500萬元物業買賣成交,如果收取佣金約10萬元,一般二八分賬,經紀個人收取約1.95萬元,達到某個額度才跳分成,一般拆賬前佣金逾30萬元才可以做到三七分賬。「無辦法,成本問題,公司拆咗三成畀你,無乜幾多剩,除咗去管理層,好多去咗租金、後勤、宣傳廣告、燈油火蠟呀,全部都係錢。」

講到「House101」的過人之處,他強調平台最終目標,就是要將地產代理線上化,將過去大行提供嘅支援配套,全部放上平台,「我哋幫經紀搵盤搵客,提供佢哋需要嘅資訊。之後佢做到嘅單,100%佣金自己袋晒,唔需要再同人瓜分,真正多勞多得。」

他強調,有別於現有放盤平台,「坊間只係放盤平台,經紀畀錢放盤吸客,線下時唔會有支援。」他續稱:「我聽過好多投訴,業主畀幾百蚊放盤後,離譜到深圳嘅經紀打電話叫佢上去深圳睇樓,即係業主會收到好多唔同嘅人打電話畀佢。仲有啲仲離譜,就係其他行業嘅sales cold call。」他硬銷平台下設APS101經紀系統,邀請本港持牌經紀加入,向每名申請人收取年費3,800多元,幫經紀搵盤、搵客。業主方面暫不收費,免費放盤,因應個人喜好選擇各區經紀。

經紀難被時代淘汰

然而網上物業平台就是標榜助買賣雙方慳佣,欲取代甚至淘汰經紀,而他卻創立一個以經紀為核心的放盤平台。他反問:「你搵到個盤,你搵到個客,各自搵雙方律師咁去傾咗佢?呢個係一廂情願嘅諗法,經紀係買賣中間嗰個潤滑劑!你傾唔傾價?點樣傾?你哋係對立人,一個想買高啲,一個想買平啲,點傾得埋冷?業主有脾氣時買家受唔受?邊個將買家狠戾要求盡量減低?我覺得佢哋諗嘢簡單咗囉,經紀角色非常重要,無佢哋,你啲單刁根本連傾價都傾唔埋欄。」

他覺得經紀好重要,新平台剛落地,業主放盤及經紀入會數字都未有,自覺本港經紀未必好快接受新經營模式,但創業就是要勇於嘗試,預期首年如果返部分成本,甚至乎收支平衡已經唔錯!

採訪:陳家雄 張嘉鎣
撰文:陳家雄
影片編撰:張嘉鎣
攝影:鄒潔珊 何文超
剪接:何文超
編審:倪敏慧

investMAN
For People of Style & Substance
掌握理財智慧 感受生活品味

【BizStarter】靠無聊Game撼贏騰訊!Voodoo手遊 上位靠三招 【BizStarter】拆散老婆勞力士 婚攝師變製錶師:有一隻賣過百萬! 【BizStarter】米芝蓮老闆的ABC餐 「我求個洗碗阿姐唔好走」 【BizStarter】創炒散App做女強人 一切由酒開始 【BizStarter】千億市場三大影響!外賣App出現 康師傅中箭 【BizStarter】靠賣Bra食糊!網購平台MyDress:年收入過億 【BizStarter】靠租Wifi蛋年收入二千萬!爽Wifi李垣:失敗唔可以賴同事 【BizStarter】大生銀行「富三代」 中環賣珍珠奶茶:日賣500杯就回本 【BizStarter】25萬創業!港產音響品牌 成功殺入東京 【BizStarter】大學生停學為創業!開補習平台 年賺100萬 【BizStarter】科幻成真!「見工機械人」面世 取代HR? 【BizStarter】曾為李嘉誠做西裝!名人裁縫70歲再創業:我沒打算退休 【BizStarter】創業,因走投無路!拍檔走數累欠債 WiFi 公司老闆:對唔住老婆 【BizStarter】會考0分藥房仔 700萬開6舖 「海鮮價劏客係殺雞取卵」 【BizStarter】夾公仔機變「死場救星」 租機做「台主」 每部月入萬元! 【BizStarter】𡃁模付「律師」逾10萬創業 推智能合約程式 大狀:問題多多 【BizStarter】四年晉身「獨角獸」!Airwallex融資曾受挫 騰訊、紅杉資本成「救命稻草」 【BizStarter】80後港男四球搞算命App 夥麥玲玲玩玄學配對 【BizStarter】「物流二代」鬥氣搞智能櫃 網購自取 創千萬生意 【Bizstarter】出貨慢成本高 「眼鏡裁縫」堅持手製:曾為無耳殼客人設計 【BizStarter】「雙失中佬」做男網紅翻身!直播賣女裝鞋 兩日沽清1600對 【BizStarter】創作的核心是「求變」 名設計師楊德賢:我支持學生 【BizStarter】九龍表行太子爺 棄祖業研智能戒指 半年售過萬隻 【BizStarter】一條蹺打動舖王波叔 市價三成平租銀城 搞「KOL格仔舖」 【BizStarter】醜小鴨變天鵝 港女研護膚品自救「平大品牌一半 成份九成似」 【BizStarter】金融雙妹嘜 辭工創平民版「畢菲特午餐」:冇咩蝕,why not just try it? 【BizStarter】裝修佬創業 老婆不離不棄!捱出頭獲千萬融資
關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載