蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年12月20日

【專訪】「Bowtie」劃時代奪虛擬保險牌 80後創辦人:我哋以香港品牌為榮

17,376
最後更新: 1220 16:48 / 建立時間 (HKT): 1220 14:00

【新增影片】

相關新聞:【專訪】A輪融資2.3億破紀錄 永明金融有份投資

「都係埋頭繼續做啦!」獲保監局批出首張經快速通道(Fast Track)授權虛擬保險牌照的Bowtie,其聯合創辦人顏耀輝(Fred)接受《蘋果》專訪,回想結果揭曉一刻,面帶微笑卻又出奇地淡然,「呢個的確係一個milestone,但我哋都知道只係起點,仲有好遠路!」投身精算13年,是保險制度及保險產品的建築師,港仔顏耀輝其時越做越感慨,眼見本港保險科技(insurtech)大落後,心口掛個勇字,由頭砌間保險公司出來。

香港社會近年起起跌跌,華資退、中資上,Fred以香港精神為榮,「我哋全team都係香港人,有港大第一屆精算係畢業生,最開心今次係由香港品牌贏到!」港仔情懷不老,願以大衛之身,迎戰巨人歌利亞。

相關新聞:Bowtie獲發虛擬保險牌照 保監局:仍審視數個快速通道申請

Fred於加拿大讀書,畢業後工作「飛嚟飛去」體驗過英、美職場,6年前回流返港,「呢度係我屋企,梗會掛住㗎!」

看盡近年科技潮流,Fred過去一直想砌一間科技保險公司,年初開始正式籌備,日以繼夜工作,爭取保監局認同。虛擬保險公司名叫Bowtie,背後大有故事,「我哋嗰時諗,一般人究竟會喺咩時候打煲呔?畢業、結婚、為囡囡打蝴蝶、幫小朋友綁鞋帶,每一個都係特別時刻!我哋想保障每一個人嘅特別時刻!」

Bowtie獲保監局經「快速通道」特快批出虛擬保險牌後,以互聯網或手機方式直接銷售保險產品,而毋須以代理或經紀銷售。節略佣金開支,Fred直言售價一定會平,平台初期提供兩類產品,簡單壽險和醫療保險,而非港人偏愛的投資成份保險,他解釋「純保障先係我哋最想做、市民最需要嘅產品」。

Fred團隊現時有30至40人,一半來自保險業界,包括行業高層級人馬;一半為工程技術人員,大部份搞初創,未來亦會繼續增聘人手。謂精算師亦會學科技,最大目標設計產品以至平台,均要帶來「人性化改革」,笑言打破精算師冇創意的迷思。

Bowtie作為行業先鋒,規模當地不及上百年的跨國險企,猶以大衛之身,迎戰巨人歌利亞。加上間間險企均打着保險科技旗號,順應時代變遷,面對這些競爭與挑戰,如何突圍?「唔係單單將保險產品放上網站就叫insurtech,細至每一個環節,都係由科技帶動。點解大家習慣用手機mobile banking,但保險科技(Insurtech)仲係落後於人?」不過數碼化並不代表「一個人都無」,他說有咩事打電話去客服都會有人聽、有人跟進,免去「太虛擬」的擔憂。

身為精算師,為保險公司靈魂,預測風險或然率,賦與一個金錢價值,令一般人願意付出費用將風險轉嫁。但數字冷冰冰,精算就奉旨計到盡?Fred說「保險原意係保障不可預測的未來風險,係好事!保障自己及家人,唔一定冷冰冰,齋講錢。」

有人云,買保險係買個希望。Fred自小便有創業夢,近年已經第三度創業,全部與保險相關,包括保險科技諮詢公司Coherent、保險產品比較平台Seasonalife,Fred同樣有份創辦 。創業家需要有多犧牲和投入,相信Fred感受最深,他面帶笑意地說「唉,三年無放過假啦。」

記者:陳家恩 周家誠

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載