› 選擇地區
三藩市
紐約
洛杉磯
其他美國地區
香港 台灣 北美
 
2018年12月21日

【BizStarter】拆散老婆勞力士 婚攝師變製錶師:有一隻賣過百萬!

建立時間 (HKT): 1221 00:00

「有人話過我逐隻錶咁造冇錢賺架,所以當我五年前決定創業時,身邊大部分人都覺得唔可能」──恰恰相反,本地獨立製錶品牌Anpassa創辦人Gary就將不可能變成可能。五年後的今日,他造了超過2,500隻手錶,每一隻都盛載著不同顧客、獨一無二的故事。

Gary曾從事噴畫生意和婚禮攝影師,更曾奪國際婚紗攝影師大獎。當事業略有成果時,卻毅然成為製錶師,「我3、4歲已經開始好鍾意手錶,當時隔離屋送咗隻錶畀我,我記得係一隻膠錶……」,自此他買過各式各樣的錶。五年前,他發現坊間有很多陀飛輪錶的價錢並不透明,名牌售價過百萬元,本地的也動輒數萬元,於是激發了他拆開太太的一隻勞力士,發現其實結構沒想像中般複雜和困難,就在那一分鐘開始決定了造出世上只有一隻,且價錢貼地的陀飛輪錶。

時至今日,他最平賣過幾千元的錶,最貴的錶也賣過百多萬元;最快試過在24小時內完成一隻錶,最久則長達兩年。他指客戶願意花於等待造錶的時間,不止是單純為了一隻的錶,而是內藏故事的心機之作,因為手錶需要以客戶的故事而生產,在溝通、購置物料配件和工藝上均需時,所以在客戶未拿到成品前,「嗰個寶貴嘅時間都有好高嘅價值,並非錢可以代替到」。

雖然所造的錶不能夠為顧客回到過去,但他盼望自己能為顧客鎖住某個寶貴回憶。曾經有一位富商請Gary造錶,該名富商只提出了兩個要求,第一是錶面要有他的名字,第二是錶底要有出廠日期。Gary那時候不明所以,心想「咁有錢,其實咩錶都買到?」,後來才得悉原來富商得了重病,希望訂製一些錶給予他的親人和曾為其效力的老臣子,而這正正是用錢也買不到的東西。另外,當中也有不少大膽的嘗試,「因為一般龍鳳鈪都係結婚嘅時候新娘子戴,我就諗下有咩辦法可以變為男女都一齊戴呢」,於是以999足金造出龍鳳鈪錶,令一對新人婚後可將足金配件拆下換成皮帶,將親人的祝福帶在身邊。

不過,發生在Gary身上最真真切切的故事是,他曾經在不同階段為2歲兒子所造的錶。在兒子滿月的時候,他用18k金造了一隻有兒子樣子的馬騮手錶,「錶盤上有佢個名,錶底最重要係有爸爸媽媽送畀佢嘅祝福」,而他為兒子造的所有錶也不乏膠錶,最終為的是讓兒子「每一個時段都有一個回憶,將錶留低畀佢將來慢慢去回憶」。

回首創業之初,他只花了15,000元;時至今日,目前他的生意穩步增長,現時月收20至30隻訂單,每月營業額介乎30萬元至80萬元不等;至於一般手錶利潤率超過一半。

相關新聞:【BizStarter】靠無聊Game撼贏騰訊!Voodoo手遊 上位靠三招

但也經歷一段艱苦的時間,「超過八個月係一隻手錶都冇賣過,亦冇人去問我哋你隻手錶值幾多錢」,幸而在一個展覽上漸漸展露頭角,接到的第一張訂單便超過200隻手錶。辛苦的背後太太默默地給予支持,他哽咽道創業五年,最大壓力是「唔知道你可唔可以賣出一隻錶,或者能夠令到你生活」,但太太在幕後不斷鼓勵,「繼續啊!你堅持,只要你做一隻錶,賣出一隻錶,其實你嘅成果已經喺度」,所以今年特別製造了一隻手錶,裡面有太太、兒子和其名字,送給一直支持他的太太。

他也意識到花無百日紅,所以不斷鑽研不同的工藝,曾用三年時間研究亞洲少有的珐瑯生產技術,屢次嘗試才造到一塊成功的珐瑯錶面,這是因為他說除了「我天生係一個挑戰者,好鍾意挑戰難題」外,也藉此告訴創業的年輕人知道,只要堅持信念,便會一步一步地實踐目標。

相機和錶都代錶著他多年的工作生涯,他說鐘錶的「滴答」聲,與相機的快門聲相似,有一種很清脆的感覺,讓人在寧靜的環境裡,感受到人生時間和快門其實是一樣,所以「只要把握到時間,你嘅人生就過得更精彩」,並以座右銘─「我唔怕輸,最怕係成功,因為成功後是失敗嘅開始」,來警惕自己在創業路上永不驕傲。

相關新聞:【BizStarter】美聯六君子自立門戶 創網上平台「免費放盤」「免拆佣」

記者:黃碧基
攝影:張飆

影片編撰:黃碧基
攝影:卓振輝、Shing@realfinder
剪接、後期:郭仕活
編審:倪敏慧
編導:郭仕活、李棟芬

investMAN
For People of Style & Substance
掌握理財智慧 感受生活品味
http://facebook.com/investMAN.hk

【BizStarter】靠無聊Game撼贏騰訊!Voodoo手遊 上位靠三招 【BizStarter】美聯六君子自立門戶 創網上平台「免費放盤」「免拆佣」 【BizStarter】米芝蓮老闆的ABC餐 「我求個洗碗阿姐唔好走」 【BizStarter】創炒散App做女強人 一切由酒開始 【BizStarter】千億市場三大影響!外賣App出現 康師傅中箭 【BizStarter】靠賣Bra食糊!網購平台MyDress:年收入過億 【BizStarter】靠租Wifi蛋年收入二千萬!爽Wifi李垣:失敗唔可以賴同事 【BizStarter】大生銀行「富三代」 中環賣珍珠奶茶:日賣500杯就回本 【BizStarter】25萬創業!港產音響品牌 成功殺入東京 【BizStarter】大學生停學為創業!開補習平台 年賺100萬 【BizStarter】科幻成真!「見工機械人」面世 取代HR? 【BizStarter】曾為李嘉誠做西裝!名人裁縫70歲再創業:我沒打算退休 【BizStarter】創業,因走投無路!拍檔走數累欠債 WiFi 公司老闆:對唔住老婆 【BizStarter】會考0分藥房仔 700萬開6舖 「海鮮價劏客係殺雞取卵」 【BizStarter】夾公仔機變「死場救星」 租機做「台主」 每部月入萬元! 【BizStarter】𡃁模付「律師」逾10萬創業 推智能合約程式 大狀:問題多多 【BizStarter】四年晉身「獨角獸」!Airwallex融資曾受挫 騰訊、紅杉資本成「救命稻草」 【BizStarter】80後港男四球搞算命App 夥麥玲玲玩玄學配對 【BizStarter】「物流二代」鬥氣搞智能櫃 網購自取 創千萬生意 【Bizstarter】出貨慢成本高 「眼鏡裁縫」堅持手製:曾為無耳殼客人設計 【BizStarter】「雙失中佬」做男網紅翻身!直播賣女裝鞋 兩日沽清1600對 【BizStarter】創作的核心是「求變」 名設計師楊德賢:我支持學生 【BizStarter】九龍表行太子爺 棄祖業研智能戒指 半年售過萬隻 【BizStarter】一條蹺打動舖王波叔 市價三成平租銀城 搞「KOL格仔舖」 【BizStarter】醜小鴨變天鵝 港女研護膚品自救「平大品牌一半 成份九成似」 【BizStarter】金融雙妹嘜 辭工創平民版「畢菲特午餐」:冇咩蝕,why not just try it? 【BizStarter】裝修佬創業 老婆不離不棄!捱出頭獲千萬融資
關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載