› 選擇地區
三藩市
紐約
洛杉磯
其他美國地區
香港 台灣 北美
 
2019年01月29日

【珠璣妙語】貴族皇室玩Conch Pearl 激罕一粒逾千萬(Mini Cheung)

建立時間 (HKT): 0129 15:00

第一次帶住剛剛入行的珠寶新人去到日本珠寶展採購,一早預咗定必花費唇舌。Ben係一個聰明仔,平時鍾意買吓禮物送俾女仔同媽咪,慢慢就開始對珠寶有研究。

相關新聞:【珠璣妙語】給媽媽送上 設計盛宴(Mini Cheung)

我同阿Ben介紹日本同香港嘅潮流,一直都互相影響,所以日本珍珠一直都係香港嘅其中一大市場,其中一個原因係日本珍珠大細在6至10mm之間,表面有一層優良的結晶,有強烈光澤感。珍珠size偏細,風格典雅大受亞洲人追捧……

講到一半阿Ben突然衝去一個Booth度,望住其中一粒粉紅色嘅珠講「呢個攞嚟追女仔,一定掂。」

相關新聞:【珠璣妙語】「基因編輯鑽石」 有違愛的真諦(T.C.)

我輕輕拍咗拍阿Ben個頭:「死仔包成日諗住追女仔。」。我麻煩個日本哥哥將呢一粒大約12 X 7mm的粉紅色珠攞出來,我望咗一眼,然後將呢一粒粉紅色珠交到阿Ben手上。阿Ben好隨意咁將粒珠玩來玩去,我忍唔住笑咗出來,之後見到sales面有難色,我即刻出手制止。阿Ben,你知唔知你而家手頭上呢一粒粉紅色嘅珠價值幾錢?阿Ben滿頭問號:「幾萬?」,我皺咗一下眼眉,好彩日本嘅sales唔識聽,你手上呢一粒,價值六位數字港幣。阿Ben當堂嚇咗一跳「師傅你唔好玩我啦!」「我無玩你,你睇吓個職員眼定定咁望住你玩粒珠,你就知道我無呃你啦。」

隨便一粒都價值六位數字嘅粉紅色珠叫Conch Pearl(海螺珠;又名孔克珠),Conch Pearl生長在中南美洲,加勒比海海域,有一種叫大鳳螺(Queen conch)的海螺,是出產海螺珠的,Queen conch的內部極其複雜,難以像珍珠一樣植入培植,在大鳳螺中搵到海螺珠的比例是萬分之一,可以用來做珠寶的海螺珠的比例更是十萬分之一,可謂純天然加上產量極少。

還有一個特點是它很難被仿製,因為它有着特别的身份標識──火焰紋,猶如一顆粉紅色的迷你恐龍蛋,每一顆的紋理都各有不同,玫瑰顏色價值也是稀有品種,加上細膩柔和的火焰紋極其高貴顯赫,紋理深淺和顏色都成為左右價格的主要原因之一,百年來價值一直都居高臨下,過去只是皇室貴族名門的玩物,Conch Pearl累積了大批非富即貴的痴迷者,堪稱珍珠界的林寶堅尼。

全球每年產量不足900顆的Conch Pearl,在2003年的香港珠寶拍賣會上一粒100.4ct的Conch Pearl以240萬美元成交。Cartier為西班牙女皇Victoria Eugenie設計的Conch Pearl珠寶,在上世紀20年代,蘇富比便以340萬美元成交。而珠寶女皇Elizabeth Taylor亦曾佩戴過Harry Winston整套的Conch Pearl珠寶;奧斯卡影帝Brad Pitt也購買了Damiani最具特色的Conch Pearl珠寶……

「咁你終於明白啦?」先剛剛轉過身來,我發現阿Ben一早已經離開我身後,在我距離50米的另一個Booth位置,和一個㗎妹用半桶水的日文加英文喺度談笑風生,只可以感嘆「英雄難過美人關,珠寶先係女人的真閨蜜。」

文:Mini Cheung
90後珠寶設計師,Jimlly Jewellery Founder。尋找珠寶與藝術背後故事。

每晚送5萬!星期一至五晚上10點半
《動腦Q》Let’s Q the money!
http://bit.ly/2QW8LcI

【珠璣妙語】給媽媽送上 設計盛宴(Mini Cheung) 【珠璣妙語】「基因編輯鑽石」 有違愛的真諦(T.C.) 【珠璣妙語】漫遊陳世英 陶瓷珠寶小宇宙(T.C.) 【珠璣妙語】拍賣場上的頂級拍品:帝王綠翡翠(T.C.) 【珠璣妙語】婚戒的秘密 英國王室偏愛藍寶石(T.C.) 【珠璣妙語】情花建立品牌 只屬Chanel女士的圖騰(T.C.) 【珠璣妙語】愛迪生驚嘆養珠奇蹟 日本珍珠之王 歐美享譽八十載(T.C.) 【珠璣妙語】避險買金行好運 金飾工藝千年傳(T.C.) 【珠璣妙語】刻面車工非定律 BVLGARI的「和尚頭」切割法(Mini Cheung) 【珠璣妙語】位列三大有機寶石 珊瑚艷壓海底上天橋(T.C.) 【珠璣妙語】瑪麗王后的「矜貴」悲劇 天然珍寶刷拍賣世界紀錄(T.C.) 【珠璣妙語】50卡藍寶石豔壓春拍 天然矢車菊藍色級難得一遇 (T.C.) 【珠璣妙語】藝術「發明家」7年心血 世英陶瓷出展荷蘭TEFAF(T.C.) 【珠璣妙語】4億元千卡原石考起專家 特製器材切出300卡方鑽(T.C.) 【珠璣妙語】末代皇族冠冕估價約200萬 揭「法貝熱」皇家復活蛋傳奇(T.C.) 【珠璣妙語】權貴男人愛珠寶 跨世紀珍寶顯印度皇室奢華(T.C.) 【珠璣妙語】揀鑽如揀老婆 鑽石大師:合眼緣比4Cs標準重要(TC) 【珠璣妙語】長崎九十九島孕育阿古屋珍珠 養殖三年僅一半達珠寶級(T.C.) 【珠璣妙語】世上唯一集彩虹七色寶石 歐泊年產量降升值力高 (T.C.) 【珠璣妙語】七月生辰石紅寶石 億元鮮艷鴿血紅最矜貴(T.C.) 【珠璣妙語】純正「紅鑽」萬中無一 2.11卡彩紅級值千萬美元(T.C.) 【珠璣妙語】鑑賞有色寶石不求純淨 天然內含物蔚為奇觀(T.C.) 【珠璣妙語】指針懸浮源於魔術幻覺 意國鐘錶大師研全新神奇鐘(T.C.) 【珠璣妙語】老闆愛貓幻化寶石戒指 複雜工藝打造逼真瞳孔(T.C.) 【珠璣妙語】珠寶六禽戲 散發魅力與權力原始能量(T.C.)
關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載