› 選擇地區
三藩市
紐約
洛杉磯
其他美國地區
香港 台灣 北美
 
2019年03月17日

【BizStarter】創業,因走投無路!拍檔走數累欠債 WiFi 公司老闆:對唔住老婆

建立時間 (HKT): 0317 00:00

「睇個動新聞,都用咗一大截Data,所以免費WiFi 個需求量好大!」今年33歲的馬智洪(Sonic),睇準手機數據容量不足,於是創立WiFi 服務公司,於商場及食肆提供免費wifi服務,再靠銷售廣告賺取收入。縱觀市場,Sonic並非首間公司提供免費WiFi ,競爭不少,為何要深入虎穴?原來背後是齣「逼上梁山」的故事。

相關新聞:【BizStarter】靠無聊Game撼贏騰訊!Voodoo手遊 上位靠三招

Sonic從事媒體廣告銷售多年,約一年半前,跟另一間WiFi 公司合作,他主力「搵客」賣廣告,賺取佣金。當他簽了一張總值90萬元的廣告合約,轉交定金予WiFi 公司後,對方卻突然失蹤,最後更將公司清盤收場,數以十萬訂金當然石沉大海,Sonic面臨違約危機:「我只係負責搵客簽單,佢哋係負責網絡供應,但去到限期前都冇做嘢,最後先覆我一句話唔做喇,要清盤喇。」

由於他以個人公司簽廣告合約,債務由個人承擔,不像對方將有限公司清盤後,負債不用「上身」,對方「合法清盤」,Sonic報警及投訴無門,Sonic只能履行廣告合約,接手經營WiFi業務,負債近百萬元,其後另外創立目前的新公司Wifinnity:「人應該有責任,我都願意負擔,點解你哋可以突然摺咗公司,唔理就唔理?可能呢啲就係商業世界……」

相關新聞:【BizStarter】拆散老婆勞力士 婚攝師變製錶師:有一隻賣過百萬!

10年前在媒體銷售廣告的收入十分可觀,月入十數萬並不罕見,但Sonic今次被拍檔「走數」,負債纍纍,要變賣家當,平治汽車、勞力士手錶統統賣走,但仍不足以填數,他說:「到最後捱唔住,要拎埋老婆隻鑽石戒指去賣,佢仲氹我話平時都唔戴,叫我拎去套現,我真係好心悒,對唔住老婆……」WiFi業務仍未賺錢,又負上百萬元債務,更令他患上抑鬱症:「試過工作期間忽然流眼淚,脾氣又變得好暴躁,精神科醫生話我有中度抑鬱症。」他透露每次看專科醫生均逾2,000元,對其造成很大負擔,應診數次後沒再覆診:「靠自己囉,唔知而家好番未?但都要向前看。」

直到去年9月,Sonic成功找到投資者加入,將公司重新出發,目前在全港提供4,700個免費WiFi熱點,主要是商場及餐廳等。現是各大型商場及公眾場所,提供免費WiFi是大勢所趨,為何業主及商戶願意讓Sonic的免費WiFi進駐?他解釋指,目前的經營模式,主要是幫助商戶安裝網絡設備,收取數百元安裝費,同時代商戶繳交每月的網絡費用,吸引使用其WiFi服務:「除咗幫佢哋出錢提供WiFi,仲會喺我個WiFi平台,送少少廣告俾佢哋用。」

Sonic為商戶節省WiFi費用,打入市場後,主要靠銷售廣告賺取收入。目前包括網絡及維修費用的固定成本約30萬元,廣告收入則逾六位數,WiFi平台的使用人次,由去年的90萬增至最近的230萬人次,現時每月虧損約4萬元,Sonic預計,平台使用人次達400萬,便可以收支平衡。

經過實地測試,他的免費wifi只需要按登入使可連接互聯網,不像坊間的wifi需要便用facebook或登記做會員,至於用戶最關注的網速,現場透過通訊辦的App測試,免費wifi的下載速度約7至8Mbps,用手機電訊商4G的下載速度則約31Mbps,兩者相差甚遠,以觀看《蘋果動新聞》作測試,兩者皆播放流暢。Sonic表示,若然同一時間的使用人次較少,網速可以高達60Mbps,若多人則會出現網絡擠塞:「試過逼爆咗個網,喺會Login唔到,所以會盡量每部機器都有2Mbps速度。」

每次連接WiFi後,發現會派送3個廣告,對使用者來說是好事,減少對用家的阻礙及使用觀感,但對經營者來說卻是壞事,因其限制了廣告收入增長。Sonic解釋指,每部機器登入WiFi後,可派送的廣告或不相同:「因為係隨機派送廣告,每個人睇都唔一樣,所以只得3個廣告,唔會限制咗我嘅廣告客戶數量,因為我係計impression,以10萬次為一個單位,所以今次你睇到A廣告,下次睇到B廣告,夠10萬次先收錢。」

即是要提高收入,除了增加WiFi熱點,亦要提高使用人數,這亦是免費wifi面對的困難,Sonic指出,下一步需要將熱點移師至公共交通工具:「例如巴士站、地鐵站等等,地鐵個廣告收入都有10億,不過要同大集團傾係比較麻煩,下面啲經理認同咗我個計劃,上面又要等一段時間。」同時,提高客戶忠誠度亦是一大難題,他亦坦言:「如果上唔到網一次,下一次人哋就唔用你。」不過他亦放心指,只要自動連接他的免費wifi一次,下次到另一熱點亦會自動連接,「只要你開住wifi連接,就會用到我個服務,人數就維持到。」

創業小檔案

投資金額:400萬
每月開支:約30萬(包括網絡、工程費用)
營業收入:每月約26萬

記者:陳新政

影片:
採訪、編撰 / 陳新政
攝影 / 馮峰 卓振輝
剪接、後期 / 郭仕活
編導 / 郭仕活
編審 / 倪敏慧

investMAN
For People of Style & Substance
掌握理財智慧 感受生活品味
http://facebook.com/investMAN.hk

【BizStarter】靠無聊Game撼贏騰訊!Voodoo手遊 上位靠三招 【BizStarter】拆散老婆勞力士 婚攝師變製錶師:有一隻賣過百萬! 【BizStarter】美聯六君子自立門戶 創網上平台「免費放盤」「免拆佣」 【BizStarter】米芝蓮老闆的ABC餐 「我求個洗碗阿姐唔好走」 【BizStarter】創炒散App做女強人 一切由酒開始 【BizStarter】千億市場三大影響!外賣App出現 康師傅中箭 【BizStarter】靠賣Bra食糊!網購平台MyDress:年收入過億 【BizStarter】靠租Wifi蛋年收入二千萬!爽Wifi李垣:失敗唔可以賴同事 【BizStarter】大生銀行「富三代」 中環賣珍珠奶茶:日賣500杯就回本 【BizStarter】25萬創業!港產音響品牌 成功殺入東京 【BizStarter】大學生停學為創業!開補習平台 年賺100萬 【BizStarter】科幻成真!「見工機械人」面世 取代HR? 【BizStarter】曾為李嘉誠做西裝!名人裁縫70歲再創業:我沒打算退休 【BizStarter】會考0分藥房仔 700萬開6舖 「海鮮價劏客係殺雞取卵」 【BizStarter】夾公仔機變「死場救星」 租機做「台主」 每部月入萬元! 【BizStarter】𡃁模付「律師」逾10萬創業 推智能合約程式 大狀:問題多多 【BizStarter】四年晉身「獨角獸」!Airwallex融資曾受挫 騰訊、紅杉資本成「救命稻草」 【BizStarter】80後港男四球搞算命App 夥麥玲玲玩玄學配對 【BizStarter】「物流二代」鬥氣搞智能櫃 網購自取 創千萬生意 【Bizstarter】出貨慢成本高 「眼鏡裁縫」堅持手製:曾為無耳殼客人設計 【BizStarter】「雙失中佬」做男網紅翻身!直播賣女裝鞋 兩日沽清1600對 【BizStarter】創作的核心是「求變」 名設計師楊德賢:我支持學生 【BizStarter】九龍表行太子爺 棄祖業研智能戒指 半年售過萬隻 【BizStarter】一條蹺打動舖王波叔 市價三成平租銀城 搞「KOL格仔舖」 【BizStarter】醜小鴨變天鵝 港女研護膚品自救「平大品牌一半 成份九成似」 【BizStarter】金融雙妹嘜 辭工創平民版「畢菲特午餐」:冇咩蝕,why not just try it? 【BizStarter】裝修佬創業 老婆不離不棄!捱出頭獲千萬融資
關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載