› 選擇地區
三藩市
紐約
洛杉磯
其他美國地區
香港 台灣 北美
 
2019年03月24日

【BrandStory】會考0分地盤工 變出億元護膚王國 彩豐行:我唔會上市!

建立時間 (HKT): 0324 02:00

23年前,楊振源Benny跟媽媽共同創立港產護膚品店彩豐行,以樓上舖起家,主打香港製造,較國際品牌便宜四成,受大眾客歡迎,營業額由首年的數十萬元,爆炸式增長到目前逾1億元。不過近來受藥房及日韓化妝品夾擊,生意已停滯不前長達三年,為了在海量的女性用品市場爭一席位,公司由過去零廣告,變成斥巨資打傳銷戰:「有朋友笑我做Brand building好虛,千萬用嚟買樓收租仲穩陣!」但他認為港產品仍有市場:「香港人都係崇洋,覺得隔離河香,但我覺得香港製造,係可以同外國牌子鬥嘅。」Benny口中所說的產品,便是一支售價僅得30元的沐浴露,這支1,000毫升的土炮產品現時每年賣出逾100萬瓶,成為公司的「殺手梘」,創業過程是一片庶糖產生化學作用的故事。

相關新聞:【BrandStory】荔枝角價租銅鑼灣舖 「親子餐廳」大樹先生:商場談判有藝術

又是會考零分讀書不成,當過地盤工人的Benny學業輸在起跑線,但創業卻有媽媽扶持:「媽咪當年喺洋行供應護膚畀美容院,有一日佢同我講『阿仔,不如一齊創業啦!』,於是就開咗呢間公司。」雖然有母親的美容院客底支持,但初期資金不足,只得十萬元積蓄創業,連貨架都要在垃圾房執二手貨來用,同時供應外國貨予美容院,毛利甚低,於是便想出港產護膚品,這個時候,連父親亦出手幫助:「爸爸有個化學博士朋友,識得整面霜嗰類嘅護膚品,好鍾意研究,但就唔識做生意,於是我同佢夾份開個化學實驗室,溝吓溝吓,就開始自己製造。」

Benny搖身一變,由地盤工人變成化學工人,在實驗室出產護膚品最大難題是配方:「因為呢樣嘢香港冇課程可以讀,想學都冇得學,初期對我嚟講係難題,但之後變成優勢。」由於香港少有生產護膚品的廠家,因此Benny連機器也要自行製作,「淨係整攪拌機個容器,抽真空嘅技術,都好困難。」同時,因為護膚品配方是公司核心秘密,故此生產不能外判假手於人:「當初好傻,每日開機做十幾個鐘,最後想到將每樣材料寫代碼,淨喺叫人跟代碼去溝,咁就唔怕外洩。」到彩豐行位於屯門的工場觀察,現時製作部,每一種產品只需一位職員製作,反而出產部,一條生產線卻需要3至4名員工進行包裝等等,全港員工有數百人,全部產品皆由香港製造,成本甚高,Benny不諱言,當初大陸很多城市邀請他到當地設廠,但最終選擇留在香港:「十幾年前,國內紅地毯歡迎上去設廠,又有稅務優惠,塊地唔使錢喎!」惟他擔心內地人操守及產品質素問題,因此拒絕北上:「當年好多行家湧咗上去,佢哋大陸生產,我就港產,咁我有獨特性,會優勝過佢哋。」他笑言,有部份北上的行家發達,但亦有公司倒閉了。

相關新聞:【BrandStory】翻生全靠一粒燒賣!鴻福堂:貴租逼出嚟

公司營運5年,由批發踩入零售,每次光顧贈送大量試用裝吸客,生意額立即倍增,批發生意首年只得40萬元,零售店首年已增至100萬,而目前每年更逾1億元:「供貨畀美容院,要有數期,但零售係會有穩定現金流,對發展好大幫助。」首間門店設在旺角樓上舖,由於當年日韓及外國品牌售價昂貴,他的產品較一般國際品牌便宜四成,殺出大眾市場這條血路:「當初日韓嘅嘢好貴,又冇廉航,所以我哋銷量好好,但而家啲人去日本機票好平,又會一次過買幾個月嘅護膚品返嚟用,周街藥房都賣化妝品類,呢幾年生意真係冇乜增長。」Benny坦言,近年公司出現危機,除了競爭環境激烈,亦因為自己放軟手腳:「呢幾年係搵到少少錢,有諗過退落嚟,媽咪都話賺多啲錢都係數字嚟啫,所以去多咗旅行,但發覺同事有啲灰心,佢哋會話:『楊生都係半退休架啦,公司唔會點發展啦!』,我發現咁樣唔得,原來會好容易被人淘汰,所以要繼續去衝。」他形容自己的經營方式很節儉,「賺5蚊才使1蚊」,不靠銀行貸款擴充業務,亦不考慮上市:「好多金融界嘅人叫我上市,但計過數,又要使咁多錢維持上市地位,又要玩財技,又要快速增長,會揸乾咗間公司同產品。」

為了生存,他更一改慳錢作風,近月不惜斥巨資宣傳,請來男DJ玩泡泡浴賣廣告,「有人叫我使1,000萬做宣傳,不如用嚟買樓收租仲安穩,又話brand building嘅嘢好虛,唔會有錢返嚟。坦白講,預咗用千萬嚟宣傳,對今年盈利會好大影響,但我覺得香港品牌值得同外國牌子鬥,我目標係沐浴露,可以同Dove呢啲牌子平起平座。」這枝沐浴露,便是由婆婆家中看到的蔗糖水溝出來。同時,他改變多年來的經營方式,首先,以往自家製造的產品只限自己店舖銷售,但現時已供貨予其他網店及零售店,雖然出售利潤會降低,但成本亦會相應減少:「生產線出貨2,000枝同2,500支個成本喺一樣,咁不如我出多啲貨畀其他商家。」另外,他又開始售賣盈利較低的日用品,並棄租旺區舖,將同等價錢的租金轉租3至5間民生區舖:「吸引客人多啲入嚟,一個月嚟多幾次,對賣其他嘢有幫助。」目前全港共有25間分店,今年會進取式加開5間:「我哋嘅對手,好似萬寧咁都有300幾間,以香港人口,我哋有開到40間嘅可能性。」

記者:陳新政

影片:
採訪/ 陳新政 朱得志
編撰/ 朱得志
攝影/ 馮峰 Wyman
剪接、後期/ 郭仕活
編導/ 郭仕活
編審/ 倪敏慧

【BrandStory】荔枝角價租銅鑼灣舖 「親子餐廳」大樹先生:商場談判有藝術 【BrandStory】翻生全靠一粒燒賣!鴻福堂:貴租逼出嚟 【BrandStory】太古「Mall姐」:經營商場有三大秘笈! 【BrandStory】曾陷「冰鮮雞危機」 Ocean Three扭轉敗局 全靠媽媽Group 【BrandStory】茶記結業再出發 荔園邱達根:有龍船、咖啡杯「呃Like」 【BrandStory】孝子辭百萬年薪 返長洲整「平安包」 嚴父反對:太辛苦啦! 【BrandStory】品牌老化點改革 OUTBACK 新戰線主攻年輕人市場 【BrandStory】賣逾百萬隻Ironman!Hottoys陳浩斌 成新港產玩具王 【BrandStory】雞仔嘜第四代接班 父女檔拍住上︰有時會鬧交 但唔可以隔夜 【BrandStory】五金廠轉型「整蠱玩具廠」 整蠱專家:製造假曱甴 要先捉真曱甴! 【BrandStory】串流音樂App有K唱!騰訊Joox:力谷上客 三招全披露 【BrandStory】90後業餘歌手 接手殯儀祖業 「真正的悲傷,很多時是欲哭無淚」 【BrandStory】單賣老婆餅年收逾億 奇華三代嘗推西餅:客人接受唔到 【BrandStory】揭同業「四大不良手法」 屯門地膽美容院推冷靜期:首月生意跌3成 【BrandStory】景福退守港島 LV過檔總經理:冇人識會好可惜 【BrandStory】廿年前矽谷 推家用router創先河!Netgear創辦人:成功靠「7條天線」當包裝 【BrandStory】Amazon最強勁敵 一隻5年升20倍的爆升股 【BrandStory】Amazon力撐!電動車新貴Rivian勢搶Tesla龍頭地位 【BrandStory】Dyson研發決心更勝蘋果 神速生產呼吸機救國抗疫 【BrandStory】港產消毒品牌:香港製造有市場 因港人做嘢有底線 【BrandStory】任天堂品牌二次創新 《動物森友會》助成疫市贏家 【BrandStory】 台廠籲別戴「中國義和團式口罩」台灣製造獲國際聲譽 【BrandStory】Adobe豬扒變女神 盜版迫出創意 股價勁升600% 【BrandStory】綠色建築現商機!IT人轉行十年做綠化牆 「K11 Musea幅牆近海最難做」 【BrandStory】一代香港時尚Icon終結 JOYCE正式退市 【BrandStory】港座廁開荒牛American Standard破解:智能馬桶港難「入屋」之謎 【BrandStory】誠哥出錢力撐 人造肉疫情下銷售更勝鮮肉 【BrandStory】Amazon藉疫情坐大 一場捍衛本土的經濟戰 【BrandStory】鮮肉短缺 Wendy's停售牛堡 但麥記照有貨賣? 【BrandStory】麥當勞改革十年 靠被炒CEO衝破萬億市值 【BrandStory】迪士尼CEO重出江湖 助疫後重建工作 【BrandStory】10年股價升10倍 Lululemon愛美的投資神話 【BrandStory】攻破中國圍牆 Trade Desk股價三年狂升18倍 【BrandStory】一代性感Icon墜落 被時代抛棄的Victoria's Secret 【BrandStory】美股癲炒 破產股Hertz竟狂升10倍 【BrandStory】瑞銀湊富豪了得 遊走中美兩國左右逢源 【BrandStory】疫情徹底顛覆旅遊業 Airbnb領頭改革 今年勢再衝IPO 【BrandStory】最快30分鐘攞貨!日系眼鏡Zoff 三招攻港
關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載