› 選擇地區
三藩市
紐約
洛杉磯
其他美國地區
香港 台灣 北美
 
2019年03月27日

【Boss Talk】出席活動鬧喊90後 施永青:超!都冇Q用!

最後更新: 0327 06:02 / 建立時間 (HKT): 0327 06:01

「老屎忽」和「90後」往往是管理人認為最難搞的兩個階層,施永青就話:「無為而治信咩呢,相信後果懲罰法,做啲嘢唔好就會有唔好嘅懲罰,做咩嘢都有報應。」

相關新聞:【Boss Talk】談用人之道 施永青:好草不怕回頭吃 無掩雞籠又如何?

對於職場新丁「90後」,施永青說:「佢好巴閉,我咪被迫調整囉!佢無料到,我做咩就佢啊!唔理佢90後,除非佢揸住支槍對住我,我咪真係唔就佢都唔得。」他記得有一次在大學出席一個論壇,席間有3位來自不同政黨的講者,「個學生仔聽完我哋講嘢,起身講話你哋4個都係零分。話我哋零分喎!乜都未講就先同我哋打分,我條氣唔順,就起身話:『𡃁仔,我幾時叫你畀分呀!你睇清楚,唔好亂咁噏呀。隔籬左右嗰班政黨就做唔到啲咩出嚟嘅,遇着個唔好老脾嘅,你做咩無啦啦要得失咁多人,一得失就4個都得失晒,你知唔知我咩背景呀?唔係嚇你,我無咩背景,不過你唔好亂咁得罪人。我講多幾下,眼淚都流埋,超!都冇Q用嘅。」

他認同每間公司總有員工恃老賣老,「佢有得恃咪俾佢恃吓,咁下低果啲要學識應付老屎忽。呢個世界係有老屎忽,等於我問個仔:『你返學有無人蝦你?』佢話無,我話呢間學校唔好,都無人蝦你。我細個讀書成日俾人蝦,咁我先知點應付蝦你嘅人。我細個梗係俾人蝦啦,呢個世界有黑社會,你有無去球場打波,個個球場都有人認頭,你估正義真係度度行得通㗎咩!」總之,無論「90後」或「老屎忽」「畀佢撞下板」,「無為而治信咩呢,相信後果懲罰法,做啲嘢唔好就會有唔好嘅懲罰,做咩嘢都有報應。」

相關新聞:【Boss Talk】宣告淡出江湖 施永青:中原中原,終有日完!

記者:陳家雄

影片:
採訪:陳家雄
編撰:張嘉鎣
攝影:陳海威 鄭嘉峻 馮峰 卓振輝
協力:黃碧基
剪接:馮燊明
編導:馮燊明
編審:倪敏慧

investMAN
For People of Style & Substance
掌握理財智慧 感受生活品味
http://facebook.com/investMAN.hk

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載