› 選擇地區
三藩市
紐約
洛杉磯
其他美國地區
香港 台灣 北美
 
2019年04月05日

【BizStarter】會考0分藥房仔 700萬開6舖 「海鮮價劏客係殺雞取卵」

建立時間 (HKT): 0405 06:00

藥房佬魏戎鈞(Eddie)高登大藥房前股東,4年前退股離場,去年東山再起,夥拍4名股東合資700萬元進軍本港商場搞傳統藥房升級版。目前6間分店,4間領展場、1間地鐵場,希望今年增設10間分店均以商場舖為主,「商場會保護返個行業,唔會畀咁多同類型模式商店入場。」

相關新聞:【BizStarter】靠無聊Game撼贏騰訊!Voodoo手遊 上位靠三招

去年他與4位朋友合資700萬元創辦Wecare唯家,他形容是傳統藥房升級版。「點解咁大個紅海,仍然有心做?我自己作為消費者、香港人,價錢、服務質素、環境及配套好緊要,做生意除咗價錢有無優勢,我成日諗點樣令客人選擇我哋而唔去其他舖頭。」他將藥房業形容為「紅海」,因為行業鬥價嚴重,「一兩間、兩三間藥房黐埋一齊,已經鬥到無錢賺,或者為吸客而蝕本。」

鬥價無出路,點先係正道?他做生意的主要理念是「幫客人增值,咁先係最重要!」例如知識增值,客人來買鈣片,為他解釋不同品牌、成份分別等;又例如配套增值,曾與聽力師合作,客人憑單可以做一次免費驗耳。傳統藥房的擺貨、選貨及運作模式,他覺得沒與時並進,「我想畀客人入來有shopping嘅感覺,就算唔幫襯,都會想入來睇吓有咩新嘢。」不過舊式藥房仍有不少可取地方並沿襲,除了藥劑師及中醫師服務,他覺得:「舊藥房係做民生生意,日日同街坊接觸,關係唔係一買一賣,係好有人情味,我哋想保留呢樣嘢,畀人覺得貼心。例如知道你生活習慣,介紹你需要嘅嘢。」他說:「藥房是民生生意,我哋而家做緊,係將傳統藥房升級,服務關心多啲街坊及香港人。」

相關新聞:【BizStarter】拆散老婆勞力士 婚攝師變製錶師:有一隻賣過百萬!

講就話「升級版」,但店舖銷售藥物、日用品、美容及保健產品,又與萬寧、屈臣氏有何不同?他回應:「唔少生產商想將產品推出市場,但大型連鎖店門檻高。我哋就無任何上架費或推廣費,只要產品啱路線、客人就合作。呢種寄售模式,賣幾多找幾多數,打開平台畀多啲品牌。此外,我哋買手會去世界各地引入當地出名或好用嘅牌子。」

他坦言,不收上架費並非很大優勢,經營模式與大型連鎖店仍存在距離,所以嘗試引入更多連鎖店無的產品,從世界各地引入當地著名或好用的產品。例如已引入一個天然酵素清潔系列,「有驚喜,賣得唔錯!我哋會同客人講平日用漂白水、洗潔精清潔係好乾淨,但唔排除會殘留化學物影響健康,客人都非常願意接受呢啲新產品。」

從價錢及貨種突圍而出,亦因應市場變化而彈性處理。「大型連鎖店各間分店都有差異,貨種、市場都唔同,有啲針對美容,有啲針對健康。我哋而家唔敢講有咩優勢,亦唔係開創一個市場,但入貨會諗多一步,究竟街坊會唔會接受呢樣嘢?點先啱佢?如果藥房貨品差不多,只是價格差異,就一味停留鬥價。但如果諗多一步,盤貨方面,呢樣適唔適合街坊,我哋有不同區份分店,客戶層有少少不同,有啲區份,老人家多啲,就着重老人家的產品,有啲年輕家庭多啲,就多啲嬰兒產品。我覺得做生意,你會唔會好用心去喺每間分店、每一個客戶群去諗,佢哋究竟需要乜,點樣先會行入來令到佢哋覺得我哋關心佢。呢樣嘢好重要。」

開業10個月,目前設6間分店,4間租領展商場、1間租地鐵商場,所有分店租金涉資約40萬元。對於選擇領展商場拓展業務,他認為:「好多人話領展商場一啲配套上面嘅嘢,但做生意角度來講,領展商場係幾好嘅地方,首先周邊屋苑都發展成熟。其次,唔一定係領展,每個商場本身都有規劃,租戶組合要做到多元化,照顧不同家庭。而做傳統藥房太容易開,好多時一條街有好多間,但商場會保護返個行業,唔會畀咁多同類型商戶入場。」

而且領展加租之聲年年不絕於耳,被問會否擔心影響業務的持續性,他回應:「租金睇整體經濟,每次簽租約一定會加,只不過加幾多。暫時未去到裝修或轉舖,我覺得做生意永遠面對好多唔同問題,只不過呢刻點樣去將自己業務做好,比較緊要。租領展場手續、裝修及設計各方面要求都比街舖高好多,但調返轉咁講,我覺得係相輔相成。商場配套人流穩定,好似落雨天,你唔會驚舖頭滲水,啲人都寧願行商場。」

經營10個月,各分店以獨立公司模式營運,暫時每間都做到自負盈虧。以目前進度,估計年半至2年可以收支平衡,但公司處於拓展期,資金將撥作業務及分店拓展。2019年希望增設10間分店,聚焦商場舖位,「唔係為開而開,都要考慮租金、人流等。」

採訪:陳家雄 張嘉鎣
編撰:張嘉鎣
攝影:卓振輝 Wyman Kin
剪接:劉曉彤 何文超
編審:倪敏慧

investMAN
For People of Style & Substance
掌握理財智慧 感受生活品味
http://facebook.com/investMAN.hk

【BizStarter】靠無聊Game撼贏騰訊!Voodoo手遊 上位靠三招 【BizStarter】拆散老婆勞力士 婚攝師變製錶師:有一隻賣過百萬! 【BizStarter】美聯六君子自立門戶 創網上平台「免費放盤」「免拆佣」 【BizStarter】米芝蓮老闆的ABC餐 「我求個洗碗阿姐唔好走」 【BizStarter】創炒散App做女強人 一切由酒開始 【BizStarter】千億市場三大影響!外賣App出現 康師傅中箭 【BizStarter】靠賣Bra食糊!網購平台MyDress:年收入過億 【BizStarter】靠租Wifi蛋年收入二千萬!爽Wifi李垣:失敗唔可以賴同事 【BizStarter】大生銀行「富三代」 中環賣珍珠奶茶:日賣500杯就回本 【BizStarter】25萬創業!港產音響品牌 成功殺入東京 【BizStarter】大學生停學為創業!開補習平台 年賺100萬 【BizStarter】科幻成真!「見工機械人」面世 取代HR? 【BizStarter】曾為李嘉誠做西裝!名人裁縫70歲再創業:我沒打算退休 【BizStarter】創業,因走投無路!拍檔走數累欠債 WiFi 公司老闆:對唔住老婆 【BizStarter】夾公仔機變「死場救星」 租機做「台主」 每部月入萬元! 【BizStarter】𡃁模付「律師」逾10萬創業 推智能合約程式 大狀:問題多多 【BizStarter】四年晉身「獨角獸」!Airwallex融資曾受挫 騰訊、紅杉資本成「救命稻草」 【BizStarter】80後港男四球搞算命App 夥麥玲玲玩玄學配對 【BizStarter】「物流二代」鬥氣搞智能櫃 網購自取 創千萬生意 【Bizstarter】出貨慢成本高 「眼鏡裁縫」堅持手製:曾為無耳殼客人設計 【BizStarter】「雙失中佬」做男網紅翻身!直播賣女裝鞋 兩日沽清1600對 【BizStarter】創作的核心是「求變」 名設計師楊德賢:我支持學生 【BizStarter】九龍表行太子爺 棄祖業研智能戒指 半年售過萬隻 【BizStarter】一條蹺打動舖王波叔 市價三成平租銀城 搞「KOL格仔舖」 【BizStarter】醜小鴨變天鵝 港女研護膚品自救「平大品牌一半 成份九成似」 【BizStarter】金融雙妹嘜 辭工創平民版「畢菲特午餐」:冇咩蝕,why not just try it? 【BizStarter】裝修佬創業 老婆不離不棄!捱出頭獲千萬融資 【BizStarter】曾為連鎖藥房股東 Wecare創辦人:港藥房形象差
關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載