› 選擇地區
三藩市
紐約
洛杉磯
其他美國地區
香港 台灣 北美
 
2019年04月11日

【港商保命戰】棄當會計師 港大生寧選魔術師︰我鍾意點就點

建立時間 (HKT): 0411 06:01

新一代追求自己熱愛的事業,除了YouTuber,亦越來越多人會選擇全職做自由工作者(Freelancer),例如在家寫寫稿、畫畫圖便可賺錢,工作地點不限,睡至日上三竿又不怕遲到,收入交得起租,養得起自己,生活一樣幸福。

相關新聞:【港商保命戰】港商赤柬腹地開廠23年 「要迫擊炮守門口」

陳衍汎(Wesley)港大會計系畢業,當會計師好像是順理成章,但他偏偏反其道而行,選擇做自由工作者,接魔術表演工作。現時他月入約2萬元,但不穩定,由於他很不喜歡辦公室工作,因為感到只是為他人作嫁衣裳,「我付出咗,但得到嘅嘢唔屬於我,我係幫人哋做,付出同收穫好唔成正比。」他選擇當全職魔術師,因為所有事都在自己掌控之內,「魔術係做緊自己一啲鍾意做嘅事,公司又係自己嘅,我鍾意點就點。」

以為自由工作者很自由?事實證明,少年你太多幻想了,「坦白講,做魔術師超時工作嘅時間應該係比做會計更加多。」Wesley指,客人會在辦公時間提出工作要求,而魔術師通常在晚上設計道具和表演方式,也曾有客人突然要求明天就去表演,「所以會唔會超時工作唔係一個重點,重點係我唔想坐office,而自由工作者都係一份全職,只係我全職做緊自己鍾意做嘅工作。」不過Wesley指,當自由工作者都有風險,就是經常會被客人拖糧,「都會好驚,如果下星期要交租佢都仲未畀我,點算?」

相關新聞:【港商保命戰】柬埔寨工人唔鬧得 一塊壁佈板汰弱留強

看見同屆同學都當上專業人士,Wesley可曾有後悔?他笑言,大家都係「搵食啫」,人人目標不同,工作上也有各自的需求,難以比較,「分別只係你知道你下個月三十號有糧出,我冇啫。」若現在有一份月入3萬元的會計工作向他招手,他說現階段都不會考慮,如果月薪10萬元呢?Wesley想了數秒說:「會計師入職萬三左右,升Senior升Partner,30歲就10萬元一個月⋯⋯」,他仍然覺得替別人打工,就算賺10萬元1個月,倒不如打自己工,他充滿信心地說:「我我30歲前公司搞嘅生意,自己出到嘅糧都要有10萬!」

同樣是自由工作者,連海祺(Rita)則是工作數年後才辭工,現時是設計師。她以前做市場推廣,但因要兼顧行政,令她最後選擇出走,「好多公司都要做埋對件事冇乜幫助的行政工作,明明係做Marketing,但係我可能要負責去訂iPad。我唔鍾意呢啲工作,覺得好討厭。」

她指自由工作者要成功並不容易,要把自己當成品牌經營,「你做嘅所有嘢都係建立緊自己個人品牌,而呢個品牌係可以幫你接更多工作。」她把自己當作是初創公司,「一個自由工作者並唔只係一個自由工作者,而係自己嘅一間公司。一開始係一人公司,之後會去到10人公司,呢個係自由工作者嘅下一步。」

話說得輕鬆,但做自由工作的現實是,連原地踏步都有困難,Rita便曾靠打散工維持生計,「呢個世界有好多臨時工,如果你呢一刻嘅錢係唔夠生活,咁你咪要做其他工作去填補,但要記得你的夢想係做設計,要有信念堅持。」幸而香港找散工不難,目前維生不成問題。為了夢想打散工,可有後悔?Rita指在這個年代做全職工作不代表會更穩定,「啲人都係轉嚟轉去,佢哋即使有全職工作,都會不斷諗下一份工到底又跳去邊,大家都有各自的難處。」

除了做設計,她都有發展自家設計品牌,舉辦工作坊,另外也積極參加比賽和展覽,以認識更多客人。

要認識更多客人,除了比賽和展覽,還可以利用網上平台。90後的Harris指,自由工作有超過8成都是靠人脈介紹,但不是人人都懂得得推銷自己,即使是設計較大品牌更漂亮都不代表有麝自然香,「可能有啲人冇website,冇去Networking event,冇去早餐會,咁就變左佢哋的人脈比較少。」他因此創立Freelance中介平台Freehunter,希望把自由工作者認識人的成本降低,更容易找工作。

記者 劉曉鳴

-----------------------------
追蹤真相 守護公義
免費訂閱支持蘋果 4月10日無阻盡覽
https://hk.adai.ly/PMtkKQIUBV
-----------------------------
動腦Q金像獎周
4月8日-12日 10:30PM
Let’s Q the money!Action!
https://hk.adai.ly/zpCd06PPwV

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載