› 選擇地區
三藩市
紐約
洛杉磯
其他美國地區
香港 台灣 北美
 
2019年04月11日

【BizStarter】夾公仔機變「死場救星」 租機做「台主」 每部月入萬元!

建立時間 (HKT): 0411 06:00

夾公仔機舖開到一地都係,更被稱為「死場救星」,其中尖沙咀著名「死場」首都廣場,一間5,000平方呎夾公仔機巨舖,人流閒日都有約3000人,更曾錄得單日營業額逾10萬元。夾公仔市場成行成市,市面更衍生一條完整產業鏈,不但有夾公仔機租賃,甚至出現公仔機顧問服務,市場講供求,顧問都有市場,背後原因離不開「好多人唔知道原來夾公仔舖要出牌,佢哋完全冇呢個概念。」

相關新聞:【BizStarter】靠無聊Game撼贏騰訊!Voodoo手遊 上位靠三招

「當初裝修設計嘅時候,我哋都希望玩家唔係行10分鐘,而係行半個鐘、一個鐘。」周世傑去年底與三個朋友,合資超過50萬元,承租首都廣場20多個舖位,經營大型夾公仔店WaWa Planet,設有100部夾公仔機。要形容WaWa Planet的業務,單單說經營夾公仔機未算準確,實際上那是一間「夾公仔機莊家」企業。

WaWa Planet只是個場主,亦即大包租公,負責管理場地、購入機器、宣傳等;至於每部夾公仔機的營運,則外判予台主,月租4,000元,「同好多傳統酒吧經營異曲同工,一開業嘅時候我唔係只得兩個股東,咁可能有,10個股東,咁就係希望嗰10個股東會帶自己朋友嘅消費,令酒吧更熱鬧。」

相關新聞:【BizStarter】拆散老婆勞力士 婚攝師變製錶師:有一隻賣過百萬!

機夾力度鬆緊有得校

不過,要成為台主都要等,曾經最多有過千人登記輪候成為台主,平均輪候時間要三個月。他又透露,每部機平均月入是租金的最少一倍至倍半以上,即每月每部機有近一萬元收入。已為台主個多月的Mandy,雖然首半個月已月入五位數字,但她強調,「肯定搵唔到食,呢度冇一個台主可以靠呢部機去搵食。」她表示,自己本身經營網店,明言夾公仔機只是一個散貨渠道。

玩家最關注夾公仔機有冇伏,Mandy坦言,台主可以自行調校夾的力度、鬆緊及速度,「如果set得太難,得高手先出到貨,啲初哥咪會覺得黑心台唔嚟玩,變相趕客,所以我哋會set得general啲,初哥只要努力少少,佢都出貨。」她笑指,面對高手就會蝕做,「唯有同啲高手打好關係,大家做朋友,盡量唔好清我啲貨。」

開店入場門檻20多萬元

以為開夾公仔機舖只涉及場地、租金和機器?少年你太年輕了!提供夾公仔機顧問服務的恆輝工程牌照顧問阿Wing指,要開一間夾公仔店,連租金、公仔機、貨品、出牌等,入場門檻約20多萬元,其中牌照費佔10-15%。她提到,自己有不少開夾公仔舖的客人,都是開業後因沒有申領夾公仔機牌照而被政府控告,於是「臨急抱佛腳」找他們幫忙。加上夾公仔機是這一、兩年新興的行業,市場資訊不多,「你就算問食環署嗰個人,都未必可以完全答你點做」。

夾公仔機舖含有賭博成分,因此除了申請最基本的商業登記證外,政府要求場主領取公眾娛樂場所牌照、有獎娛樂遊戲牌照;另外亦要向屋宇署、消防處、地政署、規劃署等政府部門遞交文件。過往就有場主沒有申領足牌照,而有警察上門「掃場」,被禁止繼續經營。

近年眼見夾公仔舖發展蓬勃,阿Wing表示有些夾公仔機店舖真的會令死場翻生,雖然初時店舖人流不多,但場主可運用五顏六色的設計、香氣、24小時營業等必殺技吸引人流,「試過有個客,喺一個唔係好出名嘅商場,仲要係角落頭,人哋熄晒燈,佢就發光,反而引到人,畀佢得咗。」

「死場救星最重要係平,如果你唔擺部機喺度,根本冇人流。」盛滙商舖基金管理行政總裁李根興相信,雖然目前有夾公仔機月入達1萬元,但相信好景情況難以維持,「好似珍珠奶茶,好多人以為熱潮過咗,但唔係呀,繼續開呀。越來越多對手加入,個餅會分薄左。」他料不久後市場競爭會越見激烈,「搵唔到食就會落返嚟。」

業主或成最大贏家

不過,整個夾公仔產業鏈中,最大贏家除了是業主,當然亦包括大包租公,亦即「場主」,李根興表示,「你租一個地方10萬元租金,每月能夠租到4-5000蚊嘅話,基本上你租到大約30部機以上,你已經有錢賺。咁究竟嗰啲台主,賺唔賺錢係佢哋問題啦。」

事實上,以WaWa Planet為例,雖然周世傑拒絕透露場地租金,只表示低於市價,佔成本逾五成;然而5000呎大場,人力成本低,員工亦只需1-2人,令公司只花四個多月就成功回本。目前公司亦已籌備旺角分店,料24小時通宵營業,設89部機,每部機月租7000元。他又指,目標於今年開最少三至五間分店,繼續以大規模的形式吸客。

採訪/ 朱得志 李芷珊 樊栩瑩
編撰/ 朱得志
攝影/ Fung、Neo
剪接、後期/ 馮燊明
編導/ Roy
編審/ 倪敏慧

investMAN
For People of Style & Substance
掌握理財智慧 感受生活品味
http://facebook.com/investMAN.hk

【BizStarter】靠無聊Game撼贏騰訊!Voodoo手遊 上位靠三招 【BizStarter】拆散老婆勞力士 婚攝師變製錶師:有一隻賣過百萬! 【BizStarter】美聯六君子自立門戶 創網上平台「免費放盤」「免拆佣」 【BizStarter】米芝蓮老闆的ABC餐 「我求個洗碗阿姐唔好走」 【BizStarter】創炒散App做女強人 一切由酒開始 【BizStarter】千億市場三大影響!外賣App出現 康師傅中箭 【BizStarter】靠賣Bra食糊!網購平台MyDress:年收入過億 【BizStarter】靠租Wifi蛋年收入二千萬!爽Wifi李垣:失敗唔可以賴同事 【BizStarter】大生銀行「富三代」 中環賣珍珠奶茶:日賣500杯就回本 【BizStarter】25萬創業!港產音響品牌 成功殺入東京 【BizStarter】大學生停學為創業!開補習平台 年賺100萬 【BizStarter】科幻成真!「見工機械人」面世 取代HR? 【BizStarter】曾為李嘉誠做西裝!名人裁縫70歲再創業:我沒打算退休 【BizStarter】創業,因走投無路!拍檔走數累欠債 WiFi 公司老闆:對唔住老婆 【BizStarter】會考0分藥房仔 700萬開6舖 「海鮮價劏客係殺雞取卵」 【BizStarter】𡃁模付「律師」逾10萬創業 推智能合約程式 大狀:問題多多 【BizStarter】四年晉身「獨角獸」!Airwallex融資曾受挫 騰訊、紅杉資本成「救命稻草」 【BizStarter】80後港男四球搞算命App 夥麥玲玲玩玄學配對 【BizStarter】「物流二代」鬥氣搞智能櫃 網購自取 創千萬生意 【Bizstarter】出貨慢成本高 「眼鏡裁縫」堅持手製:曾為無耳殼客人設計 【BizStarter】「雙失中佬」做男網紅翻身!直播賣女裝鞋 兩日沽清1600對 【BizStarter】創作的核心是「求變」 名設計師楊德賢:我支持學生 【BizStarter】九龍表行太子爺 棄祖業研智能戒指 半年售過萬隻 【BizStarter】一條蹺打動舖王波叔 市價三成平租銀城 搞「KOL格仔舖」 【BizStarter】醜小鴨變天鵝 港女研護膚品自救「平大品牌一半 成份九成似」 【BizStarter】金融雙妹嘜 辭工創平民版「畢菲特午餐」:冇咩蝕,why not just try it? 【BizStarter】裝修佬創業 老婆不離不棄!捱出頭獲千萬融資
關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載