› 選擇地區
三藩市
紐約
洛杉磯
其他美國地區
香港 台灣 北美
 
2019年04月21日

【SmartSpender】收藏波衫值千萬 四年升值4倍 NBA狂迷:一件Kobe夠畀首期

建立時間 (HKT): 0421 06:01

香港千萬富翁何其多,除了買樓買股,竟然有人將千萬身家放到一堆舊的籃球背心,就算有臭汗味都搶着要買,有價有市,一件球衣的價值更隨時夠付香港樓的首期,相當誇張!

相關新聞:【SmartSpender】善用轉乘優惠 泊車平三分一

NBA球衣收藏家林耀霆(Nick)擁有400多件珍藏,是亞洲數一數二的收藏家,現存球衣的總值達過千萬港元,每件都是他以數千、甚至數萬美元競拍得來。最貴一件是洛杉磯湖人退休球星高比拜仁(Kobe Bryant)的球衣,購入價2萬美元,早前竟有炒家出高價收購,「國內有收藏家用10萬美元(約78萬港元)向我收購,但我都無答應,因為真係鍾意件波衫,同埋以Kobe地位,10萬未去到高位,應該仲有得升。」

為甚麼一件籃球背心價值可以這麼高?林耀霆解釋,這件球衣是高比拜仁退休賽季(2015-2016)穿着過的,而且該場是打破其個人三分球紀錄的一場,只此一件,紀念價值高,但4年間錄得4倍升幅,又真的大大超出他的預期。

相關新聞:【SmartSpender】交通津貼已推出!醒你新界「半價過海」秘技

林耀霆本身由銀行出身,現時是一名按揭醫生,幫客人做樓按和估值,對於投資NBA球衣,他亦有自己一套眼光,「波衫唔適宜短炒,因為價值會同球員表現、球隊表現、歷史紀錄掛鉤,唔似股票波幅快上快落,相對以年計先會有轉變,但升幅有時可以比樓價更誇張。」

他舉例,目前當紅球星史提芬居里(Stephen Curry),在他初出道時球衣價值約3,000美元,後來他受傷一段時間,又跟贊助商Nike解約,人氣低潮時球衣價值跌至2,000美元左右,但後來贏得三次冠軍及兩次MVP,又打破多項NBA紀錄,去年總決賽的球衣價值已升至16萬美元(約124.8萬港元),「本身好鍾意Curry,由出道到低潮,我覺得佢有呢個能力,當時2,000幾蚊買左好多件返嚟。」如今,居里球衣動輒都要過萬美元才搶購得到。

NBA雖不及足球比賽受歡迎,但由於商業做得好,球迷可在官網競購球衣,因而令市場越來越蓬勃。林耀霆指,NBA官方自2007年開始,為球員落場球衣簽發證書,又提供可追查球衣來源及比賽數據的系統,令球衣價值漸漸提升,「過去二十年,波衫價值走勢同經濟都有直接同密切關係,沙士時期,不止香港,全球經濟亦有影響,波衫價錢2000年跌得幾犀利,達50%;後來經濟好轉,波衫又開始有官方證書,雷曼爆煲後各國開始印銀紙,資金更充裕時,波衫的價值都幾級跳。」

投資球衣原來都同環球經濟有關,林耀霆更指,跟香港樓價一樣,球衣價格都被中國人炒起,例如居里16萬美元天價球衣,以及另一件13萬美元成交的球衣,買家都是來自內地,「中國經濟起飛係一個好大因素,近年波衫主要銷售對象都係中國同胞,佢哋消費能力係好高,會追求更高嘅收藏級別。」

不過,投資始終涉及風險,他提醒有意購買球衣的人,球衣價值會因應球員表現好壞、受傷、轉會等不確定因素而升值或貶值,在非官方平台交易又隨時會買到假貨,所以他不建議大家純粹為炒賣而買波衫,「 除非個Offer好吸引先會考慮賣衫,暫時都唔會賣,全部都係真心收藏。」

記者:鍾耀恆

影片:
旁白:蘇承智
採訪、編撰:鍾耀恆
攝影:鄭嘉峻、蕭偉文、何文超
剪接、後期:何文超
編導:何文超
編審:倪敏慧

investMAN
For People of Style & Substance
掌握理財智慧 感受生活品味
http://facebook.com/investMAN.hk

【SmartSpender】善用轉乘優惠 泊車平三分一 【SmartSpender】交通津貼已推出!醒你新界「半價過海」秘技 【SmartSpender】銀聯信用卡搶客 開電子錢包有錢袋? 【SmartSpender】北上消費 冇支付寶點算好:有中銀戶口 電話嘟就夠! 【SmartSpender】淘寶慳錢秘笈:善用隱藏着數 慳埋手續費 【SmartSpender】燒錢燒過龍!信用卡優惠 或陸續大縮水 【SmartSpender】情人節救星!信用卡秘書服務 可以點善用? 【SmartSpender】網購不能不知的事:兩大海外平台 退貨難唔難? 【SmartSpender】跑步行車都可儲里數?另類儲里數攻略 【SmartSpender】小心Fat Finger轉錯數!收錯錢「不知者亦有罪」 【SmartSpender】AE靠「超級英雄」吸年輕客 搞蝙蝠俠、黑豹戲服展 【SmartSpender】五大串流音樂平台 收費、優惠一表睇晒 【SmartSpender】迎戰「轉數快」!PayMe商戶版 推現金優惠吸客 【SmartSpender】演唱會飛買唔到?飛行里數幫到你(梁美) 【SmartSpender】戲迷必睇!戲院會員優惠 邊一間最抵? 【SmartSpender:擺酒攻略】會所式婚宴場所湧現 譽宴:落訂前記住三點 【SmartSpender】咖啡精必睇! Starbucks VS Pacific Coffee 會員著數較量(梁美) 【SmartSpender】信用卡戲飛優惠一覽!善用「買一送一」 慳得一蚊得一蚊 【SmartSpender】畀錢無難度!六大電子錢包 增值細節大比拼 【SmartSpender】酒店劈價五成 短租抵過劏房 【SmartSpender】酒店健身會籍 盡享Gym房 泳池 桑拿室 月費低至450元! 【SmartSpender】車主必讀!尖嘴泊車優惠 六商場大比併 【SmartSpender】粉鑽十年升值四倍 一卡可達400萬!收藏家:買彩鑽好過買樓 【SmartSpender】滙豐推4%網購回贈信用卡 稱霸回贈優惠 【SmartSpender】「舖王」波叔奇招谷死場!百萬租出全幢商廈 開百日喪屍館 【SmartSpender】每用2港元賺1里數 如何雙重儲里數
關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載