› 選擇地區
三藩市
紐約
洛杉磯
其他美國地區
香港 台灣 北美
 
2019年04月26日

【BrandStory】品牌老化點改革 OUTBACK 新戰線主攻年輕人市場

建立時間 (HKT): 0426 06:00

黑糖麵包無限追加、炸洋蔥花球,你會想起?「全球各地嘅人見到洋蔥花球,就會諗起OUTBACK STEAKHOUSE,黑糖麵包都十分成功,我都好認同呢個係一個Signature item(代表作)。」面對市場激烈的競爭,OUTBACK STEAKHOUSE營運總監黃振漢 (Eden)明白,即使有招牌菜坐鎮,做生意亦總不能一成不變。早年曾經改革吸年輕客,最近為配合近年的速食潮流,更加開副線 AUSSIE GRILL。

相關新聞:【BrandStory】荔枝角價租銅鑼灣舖 「親子餐廳」大樹先生:商場談判有藝術

OUTBACK以直營模式於香港經營20年,雖然撐得過沙士、金融海嘯的惡劣營商環境,但品牌難免令市場覺得老化,Eden坦言,「大約喺2012年,我哋面對好多壓力,我哋嘅品牌、裝修等都已經好舊 ,當年業主亦都覺得品牌需要變,我諗其實係每一個品牌都需要去變。」於是2012年重新出發,在裝修、餐具、餐牌加上價錢和食物等都追求年輕化。他續稱,「希望畀人感覺OUTBACK 已經唔再係一種好美式嘅餐廳,黑沉沉燈光好暗嘅形象。」

雖然7年前品牌大變身,但近年,年輕人到OUTBACK用餐的熱潮似乎減退,Eden亦觀察到近年香港人對飲食追求有所轉變:「現時嘅潮流有所轉變,大家會追求熱門、流行同比較大眾化,現時食物擺碟亦好重要,如果擺碟靚,大家會影相上載到網上或會同朋友分享 。」要吸引顧客,首先從餐牌著手:「我哋多元化去做,以往我哋著重在午餐同晚餐,依家亦著重下午茶方面,我哋希望增加呢個時段,再配合多元化嘅食物,我哋都見到下午茶嘅生意額係有所增長。」

相關新聞:【BrandStory】翻生全靠一粒燒賣!鴻福堂:貴租逼出嚟

除了繼續改良餐牌外,為了讓品牌更年輕化,加上配合近年的速食潮流,最近更加開副線 AUSSIE GRILL,今年1月,於葵芳新都會廣場開設香港首間分店:「其實係方便一班年青人,佢哋可負擔嘅價錢,唔需要好高級,我哋平均消費都係百幾蚊。」問到是否因為約半年前,看到內地部份城市的OUTBACK分店,因經營不善而倒閉的情況,所以加快步伐加開新戰線,Eden否認:「呢條副線籌備咗一年時間,我哋由上年一月喺美國開始構思,而今年一月已經喺香港同沙地阿拉伯開設分店。」

選址亦是他們一大策略,現時全港有12間OUTBACK分店,還有副線 AUSSIE GRILL,均為商場舖,租金雖然較街舖貴,但Eden認為:「租金係我哋其中考慮最重要一環, 而人客的滿意程度及流量都會考慮,街舖方面人流係足夠,但配套方面要就需要考慮,天氣冷熱亦會有影響。而商場方面,因為佢哋有宣傳、人流支撐,當然租金相對貴少少,但商場嘅支持好全面、有保證。」

20年捱過經歷沙士、金融海嘯的惡劣營商環境,2019年策略將更進取,「開業20年,好慶幸嘅係,每年營業額都錄得正數增長,好多人都問OUTBACK遍佈周圍,當然仲有部份地區未有,香港有19區,當然唔會開到19間咁多,我哋依家有12間分店,今年年底應該有15間分店。」

記者:張嘉鎣

影片:
採訪、編撰 /張嘉鎣
攝影 / 馮峰 城 S.Dargon
剪接、後期 / 梁文瀚
編導 / 馮燊明
編審 / 倪敏慧

investMAN
For People of Style & Substance
掌握理財智慧 感受生活品味
http://facebook.com/investMAN.hk

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載