› 選擇地區
三藩市
紐約
洛杉磯
其他美國地區
香港 台灣 北美
 
2019年05月24日

【BizStarter】80後港男四球搞算命App 夥麥玲玲玩玄學配對

建立時間 (HKT): 0524 06:00

陳定邦在30歲後改名陳定幫,稱「幫幫師傅」,由「邦」改「幫」是父親密宗金剛上師陳果齊的安排。今世貴人命,年少有人幫,年老去幫人。2016年獲天使基金投資400萬元,創辦網站及手機app「玄人」,名稱都是朋友林盛斌(Bob)一時口快從日本時裝品牌A Bathing Ape猿人食字食出來。他原本構思打造玄學版Openrice,設師傅平台為用家提供即時真人對答,但想像與實踐卻是兩回事,幾乎半年玩完,索性推出與推動人性化程式完全相反概念的自動化電子命書,竟帶來逾百萬元收入捱過「死亡之年」。打蛇隨棍上,游說玄學家麥玲玲合作開拓玄學配對,希望將玄人帶入Pre-A輪融資階段。

相關新聞:【BizStarter】靠無聊Game撼贏騰訊!Voodoo手遊 上位靠三招

陳定幫9年前開始做玄學家,2012年獲邀拍攝《全美超模大賽》人氣急升,微博粉絲由百多人爆升至40多萬。2015年獲邀到美國哈佛商學院舉辦玄學講座,激發他想建立一套玄學系統收集數據。胸懷大志卻不知如何開始,自認盲頭烏蠅:「咩天使輪?種子輪?乜都唔識。」自修研讀,「有一本書啟發咗我好多嘢,叫《The Lean Startup》,教我盡快做一個最小可行性產品,有小小主要幾個功能就得,唔使完美,盡快推出市場畀用家試用,用家覺得唔掂就會鬧你,然後你作出修正。用家會話畀你聽佢哋想要乜。」尋找天使,初試啼聲,「同投資者講想做AI算命系統,佢哋問幾錢?幾多時間?我話起碼5年以上,結果佢哋無興趣,因為佢哋要快,要見到產品出嚟。」又試過被投資者質疑:「唔係嘛!你一個idea就要咁多錢。」回望過去都笑自己:「開波,我承認係亂嚟!」

IT出身的他一直想在大數據年代收集世人時辰八字,綜合各門派算命方式試圖建立更準確的算命系統,但又要令投資者覺得是門財路,最終與友人腦震盪出玄學版Openrice,甚至獲得天使輪資金共約400萬元。「最初做法係師傅平台,用戶隨時隨地三更半夜用我哋玄人app問師傅。我覺得啲師傅應該𦧲飯應啦,點知原來唔係咁簡單。有啲師傅話點解要加入你平台,點解要帶旺你,但本身我個心係想幫客戶可以隨時隨問師傅。我哋呢行透明度極低,邊個師傅掂唔掂都係睇意見或朋友轉介。而家想整一個平台,就係好似Openrice,啲人可以睇到人哋對師傅嘅評價,跟住直接喺平台搵到佢,畀埋錢,提供視像通話,甚至諗住畀師傅開班授徒。」

相關新聞:【BizStarter】拆散老婆勞力士 婚攝師變製錶師:有一隻賣過百萬!

玄人網站及手機app推出兩周後獲風險投資機構邀約會面,但結果卻是「係話畀我聽,呢個idea應該行唔通,VC(風投)唔係太鐘意投資uber for乜乜嘅平台,而我嘅師傅平台有少少呢種性質,佢話呢啲多數都好難work。」結果證實那家風投暫時是對,「師傅平台只得幾十人。我做過市場調查香港有2萬個玄學家,我哋一出都有幾百個師傅用呱!有啲師傅拒絕加入,問而家有幾多用戶?我話啱啱開始,可能得幾百,咁就無理我啦。有啲師傅話加入,但指名道姓唔要同某位師傅同台出現。」而且要求玄學家隨傳隨到亦行不通,經常漏覆,為每位師傅聘用客戶服務員會增加成本。師傅又難控制,又有師傅投訴無客,「我話你名氣唔係好夠,免費同人算住先?佢話唔得。」每次師傅收費數十元至數百元,而平台只拆兩成佣,「咁樣唔得喎!」

師傅平台半年無成績,「搞startup,你都聽過叫死亡之年。我哋捱得好辛苦,資金又掹掹緊,產品又未開始見到好成績,投資者就開始俾壓力,點解未有收入?你啲嘢好似唔係好郁喎?」索性背道而馳由人手轉行自動化,推出電子命書竟成為「救命草」,目前累計賣出8,000多本,為公司帶來超過百萬元收入。「命書同坊間有咩唔同?坊間甚少提解決方法。我哋嘅命書,有流年、有終生,會提出建議,如與人相處、衣著打扮等等。」

目前玄人註冊會員約5.6萬,當中15%曾經付費,而命書佔平台收入80%。另外六成半用戶是女性,而用戶提出查詢七成提出愛情問題,例如幾時拍拖。陳定幫認為:「命書有錢賺,行啱路。但我哋缺點欠社交功能,咁就要推出玄學配對服務。其實上架以來,使用率最高,全部同愛情有關,七成用戶都問愛情。六成半用家係女性,佢哋會問幾時有男朋友。」

新增的玄學配對服務,用戶輸入出生年月日時後,系統將綜合八字、紫微斗數、星座及生肖等方式計算雙方合拍程度,可以夾伴侶、生意夥伴、上司下屬,甚至旅行夥伴等,亦會為客戶製作人物關係圖,提供貴人、前世情人、仇家等等。同時又提供交友服務,程式因應當事人的命盤列出性格、喜好、待人處事態度等等,「甚至會教你點追佢,點同佢相處,佢點對戀人」,但起初對方個人檔案相片朦朧,「唔想啲人咁注重個樣,你注重對方個樣,唔該玩返其他神器app。要大家傾到咁上下,個相先開始清啲。為防止hi bye作結,如果打十個hi,就會鎖戶口。用假相、假戶口就控制唔到,考慮緊綁定facebook、微信,盡力印證用戶嘅真實身份。如果心急想睇對方嘅樣,考慮整個商城賣幣去換取道具如粉刷,捽清佢張相。」

配對服務邀請玄學家麥玲玲合作,陳定幫坦言,麥玲玲多年來愛情專家的形象深入民心,而且在內地具名氣,希望透過她打入內地市場。麥玲玲表示,多年來想將玄學電腦化,但過去一直缺乏有玄學基礎的程式編寫員,而幫幫師傅就有齊條件,「事實過去好多富二代、富三代,甚至富一代都會來問吓,呢個女仔旺唔旺我,同我長唔長久。」她續稱,除了配對服務,將會加入改名、面相、搵工、子女升學的玄學查詢。今次以分紅形式合作,容許玄人app使用她的肖像權及名字做宣傳,而玲玲師傅亦會透過其微信粉絲推介玄人。

記者:陳家雄

影片:
採訪 / 陳家雄、張嘉鎣
編撰 / 張嘉鎣
攝影 / 細釗
剪接 / 許碩允
編導 / 許碩允

investMAN
For People of Style & Substance
掌握理財智慧 感受生活品味
http://facebook.com/investMAN.hk

【BizStarter】靠無聊Game撼贏騰訊!Voodoo手遊 上位靠三招 【BizStarter】拆散老婆勞力士 婚攝師變製錶師:有一隻賣過百萬! 【BizStarter】美聯六君子自立門戶 創網上平台「免費放盤」「免拆佣」 【BizStarter】米芝蓮老闆的ABC餐 「我求個洗碗阿姐唔好走」 【BizStarter】創炒散App做女強人 一切由酒開始 【BizStarter】千億市場三大影響!外賣App出現 康師傅中箭 【BizStarter】靠賣Bra食糊!網購平台MyDress:年收入過億 【BizStarter】靠租Wifi蛋年收入二千萬!爽Wifi李垣:失敗唔可以賴同事 【BizStarter】大生銀行「富三代」 中環賣珍珠奶茶:日賣500杯就回本 【BizStarter】25萬創業!港產音響品牌 成功殺入東京 【BizStarter】大學生停學為創業!開補習平台 年賺100萬 【BizStarter】科幻成真!「見工機械人」面世 取代HR? 【BizStarter】曾為李嘉誠做西裝!名人裁縫70歲再創業:我沒打算退休 【BizStarter】創業,因走投無路!拍檔走數累欠債 WiFi 公司老闆:對唔住老婆 【BizStarter】會考0分藥房仔 700萬開6舖 「海鮮價劏客係殺雞取卵」 【BizStarter】夾公仔機變「死場救星」 租機做「台主」 每部月入萬元! 【BizStarter】𡃁模付「律師」逾10萬創業 推智能合約程式 大狀:問題多多 【BizStarter】四年晉身「獨角獸」!Airwallex融資曾受挫 騰訊、紅杉資本成「救命稻草」 【BizStarter】「物流二代」鬥氣搞智能櫃 網購自取 創千萬生意 【Bizstarter】出貨慢成本高 「眼鏡裁縫」堅持手製:曾為無耳殼客人設計 【BizStarter】「雙失中佬」做男網紅翻身!直播賣女裝鞋 兩日沽清1600對 【BizStarter】創作的核心是「求變」 名設計師楊德賢:我支持學生 【BizStarter】九龍表行太子爺 棄祖業研智能戒指 半年售過萬隻 【BizStarter】一條蹺打動舖王波叔 市價三成平租銀城 搞「KOL格仔舖」 【BizStarter】醜小鴨變天鵝 港女研護膚品自救「平大品牌一半 成份九成似」 【BizStarter】金融雙妹嘜 辭工創平民版「畢菲特午餐」:冇咩蝕,why not just try it? 【BizStarter】裝修佬創業 老婆不離不棄!捱出頭獲千萬融資
關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載