蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年05月24日
馬上成為壹會員

【甘比訪問】甘比眼中大劉「怕醜又低調」 教10歲秀樺做生意 收入10萬

最後更新: 0524 22:19 / 建立時間 (HKT): 0524 18:00

「我自細都教佢哋(子女),屋企人最緊要,你知屋企係點就得,其他人點講唔使理。」大劉劉鑾雄妻子、華置(127)主要股東「甘比」陳凱韻,今日首次以執董身份現身華置股東大會後,罕有與財經傳媒聚餐,席間講到自己教仔心得,強調自己不做怪獸家長,會放任子女發展興趣,又透露大女首嘗做生意滋味,「佢賣鬼口水有10萬收入,最後佢將成筆錢捐去慈善基金。」

相關新聞:【逃犯條例】罕有現身華置股東會 甘比稱大劉在港 「尊重、支持政府決策」

甘比與大劉現時育有兩女一子,現已10歲的大女劉秀樺(Josephine),年紀細細已甚有生意頭腦。去年暑假期間,迷上小朋友界潮物「鬼口水」(Slime),後來發現產品在朋友間大受歡迎,於是決定「創業」做生意,創立自家品牌「Chorus Slimes」,不但開IG Shop,華置旗下嘅皇室堡更設鬼囗水自助售貨機。

甘比透露,女兒自去年9月「創業」至今,已累積收入10萬元,亦全數收入捐予劉鑾雄慈善基金,甘比笑言,「佢都有學到嘢,因為初初以前佢未當係一個生意嘅時候,佢係買咩就買咩,見到靚就買;咁而家佢知道係做生意,佢會去計錢囉,同埋佢會知道,買一打係平過兩支嘅,咁佢就買夠四打,自己格價。」

事實上,甘比近年亦積極為大劉管理「劉鑾雄慈善基金」,自己不時會留意新聞,一旦發現有家庭需要應急支援,亦會主動提供協助,「上年睇新聞,見到個媽媽俾架車撞斷腳……」一提到36歲媽媽杜穎楠,去年於荃灣梨樹路遭寶馬房車接斷雙腳此宗意外,甘比隨即眼泛淚光,語略帶哽咽,「唔好意思,我做媽媽所以我知。」甘比表示,慈善基金當時就杜穎楠個案,聯絡上杜穎楠的姐姐。雖然當時杜表示自己有足夠能力應付,婉拒基金會幫助,但她其後主動提出樂於成為基金會義工。甘比又透露,1997年成立至今,已捐出逾40億元,基金主要收入來自大劉捐款。

「其實佢(大劉)又好怕醜又好低調,呢層你地唔明白㗎喇。」甘比表示,其實大劉不時都有低調捐錢,「以前做時,佢成日都無出聲……但病咗之後就覺得要講,因為講咗先會帶動到其他人。」

身家以數百億計,更曾奪本港女首富寶座的「甘比」,於1999年曾於《蘋果日報》做娛記兩年多,講到入行經過,她表示當年一直希望做記者,其後《蘋果日報》請娛記,列明經驗不拘,當時預科畢業的她就決定應徵,「我好記得當時蘋果夜晚9點幾打電話嚟,問我幾時可以見工,我話即刻。」見工成功,此後就「甘比」筆名行走江湖。「嗰時我好鍾意睇套卡通片《娛樂金魚眼》,咪有條識飛嘅金魚叫Kimbee嘅,係咁樣嚟嘅。」她坦言,「有時都會掛住做記者呢行……我都同個女講,第時如果你想做記者,媽咪可以同你一齊做,我覺得我仲做到㗎。」

大劉早前入稟高等法院,申請對政府建議的《逃犯條例》修訂作司法覆核,劉表明一旦修例通過,或流亡海外。被問到未來會否安排子女到外國留學,甘比表示,「太早我又怕唔捨得,都係到大學先諗啦,同埋我都想佢哋學好中文先。」

記者:倪敏慧

【六四30】守住歷史 拒絕遺忘
https://hk.adai.ly/zdzKtt2RiW

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載