› 選擇地區
三藩市
紐約
洛杉磯
其他美國地區
香港 台灣 北美
 
2019年05月26日

【BizStarter】「物流二代」鬥氣搞智能櫃 網購自取 創千萬生意

建立時間 (HKT): 0526 06:00

現今網購發展一日千里,物流業是商家必爭之地,高昂的運輸成本亦是市場難題,家族經營速遞業務的李兆倫(Sheldon),看準自提點商機,遂創立物流智能櫃「派寶箱Pakpo box」,「香港送份件要40多元,但大陸只係要5元人仔,香港有空間去提升效率。」經過5年洗禮,目前全港已管理近200個櫃,最近更融資120萬美元,進軍巴西市場。回想創業初期,他笑言跟父親有很大分歧,結果促成創業契機:「佢初期唔認同我做法,佢覺得生意要落手落腳做,唔係靠投資者嘅錢蝕住去做。結果我仲衝出香港,爸爸都做埋我嘅客人。」

相關新聞:【BizStarter】靠無聊Game撼贏騰訊!Voodoo手遊 上位靠三招

家族經營的Morning Express扎根香港多年,身為富二代的Sheldon經營物流業看似理所當然,不過他跟父親的新舊觀念衝擊,間接令他創立新的公司:「幾年前香港E-commerce發展好快,發現速遞請幾多人都送唔晒啲貨,就覺得要整自提點,甚至係無人店收貨。而家香港寄份件要成四十多元好貴,大陸只係5元人仔搞掂。」不過父親想開設有員工服務的自提點取貨,Sheldon卻認為要開無人店或智能櫃,雙方產生分歧,緣於對科技及服務理念及執着:「我去買嘢唔鍾意Sales跟住晒,我哋嗰代會覺得self service係正嘅,但佢個年代有人serve你係premium。」

父子的新舊理念衝擊,促成Sheldon創業:「同佢傾親生意都鬧交,咁我自己做!」

相關新聞:【BizStarter】拆散老婆勞力士 婚攝師變製錶師:有一隻賣過百萬!

他於2013年自行創業,拿着60萬元成立Pakpo box,2014年在香港推出智能櫃,首站在旺角家樂坊:「有200個格圍住幅牆,一上線就爆晒,需求比想像中大。」以淘寶為例,同樣重量,智能櫃或自提點取貨,較送貨上門便宜20至40元,而智能櫃優勝之處是24小時營業及不用排隊,同時每個智能櫃的月租金大約為3,000元,製作成本只需8至10萬元,較一間門市自提點的動輒數萬元租金及十數萬裝修費相比,大大節省成本,目前全港管理近200個智能櫃,當中有100多個是公司為阿里集團營運,專攻淘寶及天貓,同時香港郵政亦是其主要客戶之一:「我將個solution賣比香港郵政,如果佢個locker冇人用,我都會將其他網購客戶嘅生意帶埋畀佢。」

結果公司一開業首年便已賺得逾100萬元,不過創業初期,Sheldon面對資金及場地困難,例如跟商場商討租用位置放櫃,未必受每個業主歡迎:「例如金鐘某大商場,會覺得放個櫃落去好肉酸。但我哋澳洲嘅業主就話個locker好trend好方便,想裝多個。」要搶佔市場份額,智能櫃數目一定要夠多,內地龍頭企業順豐進軍香港後,較Pakpo box遲兩年,即2016年才推出智能櫃,目前全港有近800個點,較Sheldon公司的200個櫃多出數倍,他承認資金成為擴展的最大難題,但他認為香港市場仍有很大增長空間:「香港有4萬棟獨立大廈,我覺得最少1萬個locker係走唔甩,即係仲有十倍增長空間。」

為了節省成本,他想出以零售店舖作為無人店或智能櫃提取點,以幾近零成本擴展:「例如一啲洗衣舖,剪髮店等等,佢哋好多空間可以存放貨件,同佢哋租個位變自提點,可以用盡空間。」同時又推出洗衣服務,將Locker空間變成洗衣的收取貨點。

不過香港市場始終太細,Sheldon近年轉戰海外市場,最近取得新一輪融資150萬美元,目前已進軍澳洲、印尼、意大利、新加坡及巴西市場:「新加坡郵政係賺緊錢,同香港郵政唔同觀念,所以佢哋歡迎呢樣嘢。」至於巴西市場,更因為治安問題,令本地運送成本大增:「巴西用貨車係會好似就好似《fast and furious》咁俾人打劫,但智能櫃係地鐵站擺放,速遞員透過地鐵運輸就好安全。」現時香港業務收入佔整體約三成,去年總收入約270萬美元,預料今年將會突破1,000萬美元,Sheldon笑言,連同集運業務及智能櫃,公司生意額計已超越父親的物流公司,回想當初父親反對透過燒錢拓展業務,他說:「佢認為燒錢發展嘅公司冇將來,但我知道佢而家都會Proud of我公司嘅表現,雖然而家未賺到錢。」

記者:陳新政

影片:
採訪/ 陳新政 朱得志
編撰/ 朱得志
攝影/ 嘉峻 耀
剪接、後期/ Boy
編審/ 倪敏慧

investMAN
For People of Style & Substance
掌握理財智慧 感受生活品味
http://facebook.com/investMAN.hk

【BizStarter】靠無聊Game撼贏騰訊!Voodoo手遊 上位靠三招 【BizStarter】拆散老婆勞力士 婚攝師變製錶師:有一隻賣過百萬! 【BizStarter】美聯六君子自立門戶 創網上平台「免費放盤」「免拆佣」 【BizStarter】米芝蓮老闆的ABC餐 「我求個洗碗阿姐唔好走」 【BizStarter】創炒散App做女強人 一切由酒開始 【BizStarter】千億市場三大影響!外賣App出現 康師傅中箭 【BizStarter】靠賣Bra食糊!網購平台MyDress:年收入過億 【BizStarter】靠租Wifi蛋年收入二千萬!爽Wifi李垣:失敗唔可以賴同事 【BizStarter】大生銀行「富三代」 中環賣珍珠奶茶:日賣500杯就回本 【BizStarter】25萬創業!港產音響品牌 成功殺入東京 【BizStarter】大學生停學為創業!開補習平台 年賺100萬 【BizStarter】科幻成真!「見工機械人」面世 取代HR? 【BizStarter】曾為李嘉誠做西裝!名人裁縫70歲再創業:我沒打算退休 【BizStarter】創業,因走投無路!拍檔走數累欠債 WiFi 公司老闆:對唔住老婆 【BizStarter】會考0分藥房仔 700萬開6舖 「海鮮價劏客係殺雞取卵」 【BizStarter】夾公仔機變「死場救星」 租機做「台主」 每部月入萬元! 【BizStarter】𡃁模付「律師」逾10萬創業 推智能合約程式 大狀:問題多多 【BizStarter】四年晉身「獨角獸」!Airwallex融資曾受挫 騰訊、紅杉資本成「救命稻草」 【BizStarter】80後港男四球搞算命App 夥麥玲玲玩玄學配對 【Bizstarter】出貨慢成本高 「眼鏡裁縫」堅持手製:曾為無耳殼客人設計 【BizStarter】「雙失中佬」做男網紅翻身!直播賣女裝鞋 兩日沽清1600對 【BizStarter】創作的核心是「求變」 名設計師楊德賢:我支持學生 【BizStarter】九龍表行太子爺 棄祖業研智能戒指 半年售過萬隻 【BizStarter】一條蹺打動舖王波叔 市價三成平租銀城 搞「KOL格仔舖」 【BizStarter】醜小鴨變天鵝 港女研護膚品自救「平大品牌一半 成份九成似」 【BizStarter】金融雙妹嘜 辭工創平民版「畢菲特午餐」:冇咩蝕,why not just try it? 【BizStarter】裝修佬創業 老婆不離不棄!捱出頭獲千萬融資
關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載