› 選擇地區
三藩市
紐約
洛杉磯
其他美國地區
香港 台灣 北美
 
2019年06月05日

【爆屎渠後】海之戀停電十個鐘 港鐵:供電部件故障

最後更新: 0605 11:34 / 建立時間 (HKT): 0605 06:00

【新增港鐵回覆】
今年初才落成入伙的長實新盤海之戀,早前有單位發生嚴重爆屎渠事件,屎水浸滿全間屋。一波未平,海之戀第9及10座,昨日早上開始突然停電,到深夜才恢復電力,有住宅投訴雪櫃內的參茸海味全部變壞,而苦等2年樓花入伙後,卻「貼錢買難受」。《港鐵》承認電掣房內有供電部件故障,已作搶修及調整,未來會密切監察以確保供電系統正常運作。

海之戀入伙至今已三個月,不過附近二期地盤愛炫美仍進行裝修,屋苑平台淪為地盤工地,木棚、建築廢料散佈四周。愛炫美預計關鍵日期為6月底,海之戀居民仍要捱多最少一個月。

長實及港鐵合作的荃灣海之戀,繼上月爆屎渠,本周一其中兩座大廈,竟然全幢停電約10小時,部份住戶藏於雪櫃的參茸海味,全數報廢,住客會所亦充滿住戶,爭叉頭充電。

記者昨日直擊海之戀,從地基大堂出口,沿停電的第9、第10座走,途中看到不少於3個地盤工地,當中滿佈建築廢料、貨櫃、木枝、石磚等建築用料,地盤工人不時進出工地,沙塵散佈平台。步行途中有工人推著大型玻璃行走,但只有兩名工人合作扶持玻璃。由於屋苑平台擁有多個工地,記者亦見蟑螂出沒,環境極不理想。另外,於地基大堂的通告板上,亦沒有任何通告講述是次停電事件。

住客曾先生憶述停電的情況,「星期一上午10時起停電,大堂冇晒燈光及冷氣,只係升降機運作。自己所係第9座,大堂雖有升降機運作,但單位內全部停電,慶幸雪櫃食物唔多,唔似某些住客要搬走食物。」

他續指,「下午4時,電話冇電,所以落去會所充電,但平時會所冇乜人,突然間,一下子廿幾三十人衝落去,搞到會所插頭唔夠,有部分業主就因為爭插頭,就喺度嗌交,雖然有會所職員調停,但好明顯,班人反應唔夠,完全冇考慮過停電期間,會有咁多人衝落去充電,冇諗過點可以幫到住客。」

他強調,「平時都有留意通告,但星期日或之前都冇見過任何維修工程會進行,亦冇通告話會影響電力供應,相信喺有意外先發生停電!」他續指,停電曾向保安員查詢,「佢地都冇解釋點解停電,只係話維修緊,最早期維修進度良好,希望可以5、6點度搞掂,但最後都係遲咗兩個鐘!暫時未見任何補償方案!」

曾生剛入住海之戀,對屋苑期望高,但現實卻不似預期,他坦言,「咁樣停電法,係好唔正常,係香港停電係好難,好少可以停電,但海之戀竟然可以做到!」「要解釋嘅話,就因為可能佢分兩期入伙,第一期起好,第二期仲起緊,依家起緊果期,影響到供電設施,之後影響到起好的座數,搞到停電。」

他慨嘆,「入嚟黎住咗三個月,未入伙果邊有好多建築材料、廢料、工人出出入入,環境唔理想,基本上出入空氣好差,而且返工時間,同工人開工時間相撞,出入大堂好唔方便。」他續指,「有朋友係離開屋苑的時候,係未入伙範圍內見過有老鼠走過!但自己就冇見過!」

《港鐵》回覆本報查詢指,當日接到部分住戶通知停電,客務處立刻通知發展商跟進,檢查發現電掣房內有一截供電部件故障,相信是潮濕所引致。搶修後電力供應於晚上約8時回復正常,維修期間客務處開放屋苑會所供住客使用,盡量提供所需協助。發展商昨日已重新檢視有關系統及作出調整,以改善電掣房內的濕度。就鼠蹤問題,《港鐵》稱已在屋苑範圍放置老鼠藥餌及鼠籠,確保屋苑保持整潔衛生。

海之戀及愛弦美兩期共2,406個單位已全數沽清,呎價高見逾2.7萬元。海之戀於2017年5月開售,首張價單折實平均呎價1.58萬元,一房入場費559萬元。

記者:黃朗鈞

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載