› 選擇地區
三藩市
紐約
洛杉磯
其他美國地區
香港 台灣 北美
 
2019年06月07日

【BrandStory】賣逾百萬隻Ironman!Hottoys陳浩斌 成新港產玩具王

建立時間 (HKT): 0607 06:00

「I love you three thousand……」電影《復仇者聯盟4》主角Ironman這句對白,令全球無數Fans哭掉數萬公升的眼淚;鐵漢柔情,在現實世界中,亦有一位靠Ironman令無數Fans趨之若鶩的男人—陳浩斌(Howard),這位「玩物壯志」的Figure愛好者近廿年前創立Hottoys,由軍事模型起家,08年憑Ironman Figure彈起,「以前啲女士會鬧『咁大個人玩乜嘢玩具?』,但而家會覺得儲模型玩具係一樣好型的事情。」每次Marvel推出新電影及新角色,Hottoys門市定必大排長龍,一件難求,就連預訂單據亦像期貨市場般炒賣,最近《復4》票房突破27億美元,將Figure熱推上高峯;憑這鼓熱潮,Hottoys在近十年來已賣出逾百萬隻「Ironman」,令Howard成為新一代港產玩具王。

相關新聞:【BrandStory】荔枝角價租銅鑼灣舖 「親子餐廳」大樹先生:商場談判有藝術

Howard學生時代已是Figure迷,但零用錢有限,「睇咗當買咗」,長大後開店圓 Figure夢,初期以買賣賺差價為主,「軍事Figure好熱門,當時整套衫或者配件,都可以好多人追捧,」他發現Figure其實可以走中高價路線,將配件拆散加以配搭,營造潮流,於是決定自行生產,將定價由市面一般的300元加到5、600元甚至過千元,改變市場生態:「如果用二三千買個鵰像係好貴,但買個可以郁嘅模型,其實係值嘅。」Howard設計的Figure可以擺出不同姿勢,較當時市面上的Figure更靈活,另一關鍵,是他將Figure定性為成年人的收藏品,而非小朋友的玩具:「我覺得自己好似《星戰》嘅Sky Walker,有Force(原力)同童心推動你。以前啲女士會覺得男士買Figure好幼稚,但而家會覺得係一種收藏品。」

軍事模型變化雖大,但人氣範圍只屬小眾,要將生意擴展,必須取得人氣角色的模型授權,而當初對Ironman,Howard是拒絕的:「我哋想要Spiderman,當時做緊第3集。就算2008年Ironman上映咗,大家焦點都放咗落《蝙蝠俠—黑夜之神》。」當年歐美公司很少將授權予港商,但Marvel Studio當年頻臨破產邊緣,電影亦不像現在紅透半邊天,結果Hottoys爭取數次後,成功取得Ironman授權:「其實一推出,都未夠batman咁好賣,之後Ironman好快話拍第二集,Marvel更被迪士尼收購咗,結果avengers一系列角色都紅咗。」他形容這個角色最受歡迎,除了是因為演員Robert Downey精湛的演出外,Tony Stark角色背景亦成致勝關鍵:「係一個億萬富豪,一個天才又係花花公子,個元素係所有男士夢寐以求,所以成為最受歡迎嘅IP。」就連本身是《星球大戰》死忠的Howard都認為,Ironman Figure是他最喜歡的產品,Marvel Studio總裁Kevin Feige亦是其顧客。

相關新聞:【BrandStory】翻生全靠一粒燒賣!鴻福堂:貴租逼出嚟

「I am Ironman」,這句對白結束了這位傳奇角色近11年的精彩演出,亦帶動Hottoys已出售超過100萬隻Ironman模型,銷情驚人,今年4月《復仇者聯盟4》上映,更將其推上高峯,但仍然供不應求,基乎幾一件推出的Figure皆炒得起,「出售Pepper訂金單+500元、Ironman mark85單+1,200元。」在網絡搜尋Hottoys模型,便會出現以上句子,即是Hottoys模型未有現貨時,買家及炒已經在網上將訂單以「摩貨」形式炒賣,例如一隻Ironman Mark50 1:6模型,原價2,530元,目前炒價已高達4,100元,炒貴60%,十分誇張。炒風熾熱,背後跟迪士尼的授權政策以及廠房產能有關。例如訪問當日,記者想訂購一隻Ironman版「無限手套」,落訂後要等一年才有現貨,Howard解釋指,電影推出後,迪士尼會授權那種角色、造型或武器等,公司才能預製模組,待對方審批完成才能推出市場:「我都覺得等一年太耐,但其實機器造咗模組出嚟,要靠全人手去裝置,所以都冇得快。」

Howard直言,生產過程緩慢是目前最大難題,除了香港3間分店,上海亦有一間分店,香港已供不應求,何況是更龐大的內地市場,Howard亦坦言擔心出現超賣情況:「我唔想見到啲產品周街都要特價去賣,唔想淪落到咁。」;另一隱憂,便是最成功及熱賣的Ironman模型,儘管這角色長期居於銷售首位,成為公司搖錢樹,但眾所周知,這位鋼鐵奇俠在電影已「功成身退」,未來不會再有新盔甲及武器推出,對Hottoys肯定構成打擊,Howard感嘆:「佢係應該死嘅,成個系列可以last到咁耐,作為fans會有傷感,但我覺得其他角色都有可能性,好似Avengers 4最後一幕,全部超級英雄出晒嚟,fans都睇到好熱血,而且我哋都構思緊Figure以外嘅嘢,所以冇咗Ironman都唔怕,好似好多人問我肥版Thor會唔會推出,可以答你係會有嘅!」

記者:陳新政

影片:
採訪/ 陳新政 朱得志
編撰/ 朱得志
攝影/ 威 Wyman
剪接、後期/ 馮嘉朗
編導/ 許碩允
編審/ 倪敏慧

investMAN
For People of Style & Substance
掌握理財智慧 感受生活品味
http://facebook.com/investMAN.hk

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載