› 選擇地區
三藩市
紐約
洛杉磯
其他美國地區
香港 台灣 北美
 
2019年06月16日

【BrandStory】雞仔嘜第四代接班 父女檔拍住上︰有時會鬧交 但唔可以隔夜

建立時間 (HKT): 0616 06:00

人人話富不過三代,但香港本土品牌雞仔嘜,不知不覺已傳到第四代。80後譚天逸是譚家二女,原本她無意接手家族品牌,但看着爸爸的白髮天天增多,又非常珍惜這陪着香港人長大的老字號,於是跟姐姐譚天韻商量後,5年前決定不再外闖,一齊回雞仔嘜幫爸爸手,她們最大希望就是可延續這香港品牌,成為一個百年字號。

相關新聞:【BrandStory】荔枝角價租銅鑼灣舖 「親子餐廳」大樹先生:商場談判有藝術

雞仔嘜今年踏入66歲,老闆譚建東亦已65歲,接班是遲早問題。不過,一頭白髮的譚建東說,他從沒有要求下一代接手,順其自然,始終服裝業是一個傳統行業,女兒都留學英國,志向未必於此。

作為父母,他認為對子女的保護傘不應太大,每事管、每事問,只會適得其反,要發掘潛能,就應給予空間讓他們自己摸索。假如第四代真的不接班,他指公司都已準備了機制,讓有能者居之,「傳承有好多種方法,係咪一定要自己落手落腳?我覺得文化傳承好緊要,同事有呢個理念都可持續發展落去。」

相關新聞:【BrandStory】翻生全靠一粒燒賣!鴻福堂:貴租逼出嚟

有別於一般廠佬,譚建東文質彬彬,談吐得體,六十年代他已留學英國,亦讓女兒從小獲得最好教育。這跟經營雞仔嘜的理念一樣,他在用料選材方面都要用最好,甚至因不屑跟內地品牌鬥平鬥賤,而放棄中國大市場,至今都一直專注服務香港人。

記者在旺角老舖訪問譚家父女當日,期間遇到有老顧客專程由私人司機駕車到店,購買底衫,過程迅速沒花時間挑選,似乎已買慣買熟,應是品牌長期顧客。

譚天逸五年前空降到雞仔嘜工作時,為幹一番功績,打算洗去品牌的老土味,並設計了一系列年輕、顏色豐富的服裝,但推出後市場後反應不理想,「雞仔嘜就等於羊毛底衫,好多人都話好老土,嗰時覺得好簡單啫,顏色改豐富啲就得,但最後唔算成功,原因就可能顧住吸新客,而忽略固有的舊客。」

太子女空降回歸第一炮就出事,譚天逸有煩惱都不敢告訴爸爸,但訪問時譚建東就指自己暗地裡一直知情,「其實都擔心㗎,外面係比較大公司文化做過,返到嚟家庭式生意又啱唔啱呢?但都希望兩姊妹返嚟,可互補長短,日後好好配搭。」

姐姐譚天韻目前主內管數,二女譚天逸主外負責市場推廣,爸爸都特別為兩女安排有關成衣、紡織等行業知識的課堂,讓她們能更好融入公司,「依家睇見佢哋都好融洽,同事叫佢哋『格格』,初初唔知以為係挖苦,但原來唔係貶意,係親切的花名。」

譚天逸亦分享跟爸爸一起工作的點滴,她說有時難免有爭拗的時候,「當有唔同意見,大家都會好快冷靜,互相講『對唔住,頭先個態度唔好』,之後就Ok,好多嘢都唔會過夜。」她指爸爸從小都不會將公事帶回家,現在都保持優良傳統,但有時她跟姐姐在家談起公事,媽媽都會提醒大家已放工。

雞仔嘜在香港已走了66年,由唐山大兄潮物,到人人必備的羊毛底衫,未來又會如何發展?「競爭對手多咗,天氣又暖咗,生意係難做,時代唔同,就要畀唔同產品客人,所以將來做咩都好,最緊要保持個Passion,將熱誠同生意結合,係自己範圍要做得比人更好。」這是爸爸傳授給女兒的錦囊。

記者:鍾耀恆

影片:
採訪 / 鍾耀恆 樊栩瑩
編撰 / 樊栩瑩
旁白 / 張嘉鎣
攝影 / 陳海威 鄭嘉峻
剪接、後期 / 許碩允
編審 / 鍾耀恆

investMAN
For People of Style & Substance
掌握理財智慧 感受生活品味
http://facebook.com/investMAN.hk

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載