› 選擇地區
三藩市
紐約
洛杉磯
其他美國地區
香港 台灣 北美
 
2019年08月01日

【BizStarter】九龍表行太子爺 棄祖業研智能戒指 半年售過萬隻

建立時間 (HKT): 0801 06:00

「我Daddy係一個超人嚟,雖然佢13歲就睇唔到嘢,但佢對生活態度好正面,仲設計咗部識得講嘢嘅電腦軟件畀盲人使用,佢令我知科技唔止係一個好玩嘅嘢,可以係一個幫到社會嘅嘢!」今年31歲的黃家恒(Kevin),本來是九龍表行第3代傳人兼總經理,4年前兼職創立Origami Labs,研發以骨傳技術的智能戒指ORII,近半年賣出逾1萬隻。創業初期行過不少冤枉路:「諗住打盲人市場,但其實高科技客先係主要目標,如果用行山比喻創業,我仲係行緊BB步。呢幾年嘅痛苦經驗,令我學識咗要望返自己,創業者失敗會搵好多藉口,但其實係自己嘅錯,要諗方法令公司成長。」

相關新聞:【BizStarter】靠無聊Game撼贏騰訊!Voodoo手遊 上位靠三招

作為海外回流的富三代,Kevin畢業先加入九龍表行,由前線銷售做起,四年前晉升為總經理後,跟科大的同學共同創立Origami Labs,兼職創業受到家族不少壓力:「Daddy以前喺Microsoft工作,都有幾個唔同嘅專利,佢同大伯一直都有challenge我,懷疑番個科技係咪唔夠成熟,都問過我好多問題。」他形容自己家族對下一代的要求好高好tough:「對我嘅表現同水準,係比外面嘅人更加高,但好彩都搵到天使投資者投資。」其後Kevin淡出錶行工作,全力發展ORII。

ORII智能戒指透過藍芽接駁手機,用家戴上戒指後,透過骨傳技術,將手指按上耳邊便能接收到聲音及通話。初期在Kickstarter預售,7小時便完成3萬美元集資目標,總共籌得27萬美元。當初Kevin受到失明父親啟發,研發ORII時以失明人士作為主要顧客對像:「初頭target失明嘅顧客,想造一件產品幫到人,去創造一個冇螢幕嘅世界,但近半年慢慢學到,呢件產品對高科技顧客有最大用處。」

相關新聞:【BizStarter】拆散老婆勞力士 婚攝師變製錶師:有一隻賣過百萬!

家族經營錶行,研發智能手錶肯定較戒指容易,Kevin坦言當初亦想過研發手錶:「當初我諗住用骨傳技術,都諗過好多事物,甚至係公司最專門賣嘅手錶,但音響效果唔理想,所以最後揀咗做智能戒指。我覺得你願意去犠牲你本身強嘅地方,應該係大多數創業家有嘅諗法。」公司於2017年取得阿里巴巴香港創業者基金融資;至2018年底完成A輪融資325萬美元(2,543萬港元),由南豐集團旗下南豐作坊領投。

ORII的骨傳技術算是比較創新的產品,惟目前true wireless headphone已大行其道,到底ORII如何競爭?Kevin坦言耳機本來是其主要競爭對手:「開頭係有競爭,但我哋發現,戒指唔一定要同耳機鬥,可以同手機、耳機及戒指係三樣組合產品,某啲場合可以用戒指去通話或聽訊息,又可以做控制器,同時可以做語音助手,在歐洲同美國市場,有三成幾人已經好重用語音助手,呢個係我哋最新嘅目標。」

Kevin作為家族第三代,擔任九龍表行總經理,但他認為創業其實比守業更難:「我喺九龍表行度學識管理,以前如果生意差,我會諗我未必控制到好多事,例如鐘錶市場唔好,租金太貴,零售市道唔好,或者係家族嘅政治問題。但經歷過咁多事後,我學識點樣去望鏡頭去睇自己,做生意好多嘢係自己控制到,作為創業家可以為失敗搵好多藉口,但其實最後一定係睇自己,籌唔到錢係我嘅錯,賣唔到產品係我嘅錯,要諗深一啲,點樣做到,令自己令公司成長。」

對初創公司來說,4年時間已經算是「老人家」,但距離賺錢仍有一段距離,Kevin預計下半年可賣出2萬隻戒指,但他對公司仍未滿意:「如果係行山,而家仲係行緊BB步,以初創嚟講,半年賣1萬隻算係成功嘅故事,但以另一角度去睇,喺美國市場賣到100萬隻,其實都係少過1%嘅人係聽過或試過你嘅產品,即係呢個世界係好大,你真係想做到呢樣嘢,想影響或震撼到社會,係一個好高嘅目標。」

記者:陳新政

採訪:陳新政、高素瑜
編撰、旁白:高素瑜
攝影:蕭偉文
剪接、後期:何文超
編導:許碩允
編審:倪敏慧

investMAN
For People of Style & Substance
掌握理財智慧 感受生活品味
http://facebook.com/investMAN.hk

【BizStarter】靠無聊Game撼贏騰訊!Voodoo手遊 上位靠三招 【BizStarter】拆散老婆勞力士 婚攝師變製錶師:有一隻賣過百萬! 【BizStarter】美聯六君子自立門戶 創網上平台「免費放盤」「免拆佣」 【BizStarter】米芝蓮老闆的ABC餐 「我求個洗碗阿姐唔好走」 【BizStarter】創炒散App做女強人 一切由酒開始 【BizStarter】千億市場三大影響!外賣App出現 康師傅中箭 【BizStarter】靠賣Bra食糊!網購平台MyDress:年收入過億 【BizStarter】靠租Wifi蛋年收入二千萬!爽Wifi李垣:失敗唔可以賴同事 【BizStarter】大生銀行「富三代」 中環賣珍珠奶茶:日賣500杯就回本 【BizStarter】25萬創業!港產音響品牌 成功殺入東京 【BizStarter】大學生停學為創業!開補習平台 年賺100萬 【BizStarter】科幻成真!「見工機械人」面世 取代HR? 【BizStarter】曾為李嘉誠做西裝!名人裁縫70歲再創業:我沒打算退休 【BizStarter】創業,因走投無路!拍檔走數累欠債 WiFi 公司老闆:對唔住老婆 【BizStarter】會考0分藥房仔 700萬開6舖 「海鮮價劏客係殺雞取卵」 【BizStarter】夾公仔機變「死場救星」 租機做「台主」 每部月入萬元! 【BizStarter】𡃁模付「律師」逾10萬創業 推智能合約程式 大狀:問題多多 【BizStarter】四年晉身「獨角獸」!Airwallex融資曾受挫 騰訊、紅杉資本成「救命稻草」 【BizStarter】80後港男四球搞算命App 夥麥玲玲玩玄學配對 【BizStarter】「物流二代」鬥氣搞智能櫃 網購自取 創千萬生意 【Bizstarter】出貨慢成本高 「眼鏡裁縫」堅持手製:曾為無耳殼客人設計 【BizStarter】「雙失中佬」做男網紅翻身!直播賣女裝鞋 兩日沽清1600對 【BizStarter】創作的核心是「求變」 名設計師楊德賢:我支持學生 【BizStarter】一條蹺打動舖王波叔 市價三成平租銀城 搞「KOL格仔舖」 【BizStarter】醜小鴨變天鵝 港女研護膚品自救「平大品牌一半 成份九成似」 【BizStarter】金融雙妹嘜 辭工創平民版「畢菲特午餐」:冇咩蝕,why not just try it? 【BizStarter】裝修佬創業 老婆不離不棄!捱出頭獲千萬融資
關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載