› 選擇地區
三藩市
紐約
洛杉磯
其他美國地區
香港 台灣 北美
 
2019年09月07日

【亂世中環人】香港時光倒流二十年(華爾街狠人)

建立時間 (HKT): 0907 06:00

狠人同幾個80後中環人傾開偈,都話呢排出街或者去海洋公園,有種好強烈時光倒流嘅感覺,覺得香港開始返嚟喇!

相關新聞:【亂世中環人】滙豐兩高層離職真相(華爾街狠人)

點解呢?狠人好懷念細細個同阿爸阿媽出街行商場。嗰個年代仲有好多雜貨舖、好多玩具賣嘅文具舖、有新鮮熱辣蛋撻出爐嘅麵包舖;我最鍾意就係同鄰居小朋友三五成群抽超人閃卡,扭蛋同埋玩四驅車。嗰陣時,無咁多藥房金舖⋯⋯經過了回歸後的廿年多時間,小店商舖已經在香港瀕臨絕種了。

經過呢廿多年自由行和大量內地同胞嘅入侵後,大幅度影響咗香港經濟市場的生態環境。喺佢哋大量需求下,時至今日,藥房同金舖成為香港最多嘅舖頭。唔單止旅客區受到影響,就連平時唔近旅遊區嘅地區都受影響!當然,最深受其害就係鄰近大陸嘅香港地區,包括位於上水嘅石湖墟、屯門市中心等,有超過200間藥房!以前我哋會話7仔總有一間喺左近,但而家藥房嘅數目仲多過7仔!大家記住,經濟市場永遠係供求問題⋯⋯點解有咁多藥房?因為內地旅客湧入嚟買日用品、奶粉、藥物!多到佢哋要不停開,好似周星馳食神牛丸咁1間爆10間!

喺強大嘅內地客需要推動下,租金都直接上升,間接逼走好多原本做街坊生意嘅舖頭。狠人有位好朋友,佢屋企開咗文具舖廿幾年,細細個就陪住好多小朋友成長,但因為早幾年租金加到不能接受(當年業主要求加租60%),最後被迫結業。而家,個舖位變咗做藥房喇。

最近有單新聞,知名奢侈品牌PRADA在香港佔地面積最大嘅旗艦店將於2020年6月租約到期,表明不再續約。該旗艦店坐落在有「全球最貴街道」之稱的銅鑼灣羅素街上,佔地面積約1,400平方米,每月租金達900萬港元,即是每日30萬租!主要原因就是因爲受到港遊客銳減的影響,睇返最新公佈的數據,香港零售業總銷售額連續6個月下跌,珠寶首飾、鐘錶及名貴禮物等奢侈品銷售價值同比2018年下跌了24.4%,跌幅遠遠超出服裝、藥物及化妝品、百貨公司貨品等領域。

狠人心裡非常期待,內地客人數可以繼續減少,咁樣香港特色嘅商舖先可以重臨!最近唔少業主開始減租,咁代表年青人創業嘅成本都可以減少。我相信香港唔係冇咗內地客唔得嘅,反而冇咗佢哋,香港先可以再重新發展出多元經濟同文化。

當然,最近香港發生嘅事,內地媒體不斷抹黑示威者,令到香港少咗內地客,短期內經濟一定會有影響,亦有可能都會影響到香港作為國際金融中心嘅地位。但不過狠人最近不斷喺度反思:香港如果為咗唔想捱窮,選擇放棄一直堅持嘅法治精神同道德,而向惡勢力低頭,咁香港同妓院有咩分別?

華爾街狠人
http://fb.com/FinanceFellow/

investMAN
For People of Style & Substance
掌握理財智慧 感受生活品味
http://investMAN.hk

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載