› 選擇地區
三藩市
紐約
洛杉磯
其他美國地區
香港 台灣 北美
 
2019年09月10日

【創業起義】貿戰下港產飛機零件企業賣盤(尹思哲)

建立時間 (HKT): 0910 15:00

唔使問阿貴,美國嘅「香港人權與民主法案」實過硬。問題係,過咗之後會有咩影響?

長遠而言,呢條法案更有機會衝擊到另一條更勁嘅「美國-香港政策法」,從而影響到香港嘅獨立關稅區地位,因為根據香港關係法第202條,當美國總統認為香港自治情況不佳,佢就有權簽發行政命令中止呢條法案,亦即中止香港獨立關稅區地位。

目前,惠譽已經下調對香港的長期信貸評級至「AA」,如果中止咗美國-香港政策法,香港冇埋獨立關稅區地位,唔淨止香港人以後出外工幹、旅遊、升學有問題,更嚴重係,香港作為全球最自由經濟體,亦都會正式成為歷史。

大家知唔知,喺當下嘅美中貿易戰,總共有143間中國科技公司,被美國加入咗黑名單,呢啲公司包括來自航空業、電子業、半導體業等唔同行業,令佢哋唔可以直接購買美國嘅高科技產品。

我留意到,係大約一星期之前,香港一家成立於1991年,主要供應飛機部件以及維修服務嘅公司英之冠,就出售咗多數股權俾歐洲私募基金璞米資本。英之冠總部位於香港,在亞洲、美洲和英國設有19個辦事處,但佢最大市場一定係中國,而且佢客戶入面,主要係航空公司同埋政府機構。

當然啦,美中貿易衝突升溫、歐洲經濟放緩形勢,來自歐洲資金轉投亞洲項目,本來喺理所當然嘅事情。

眾所周知,全球而家可以簡單分為三個勢力,美國、中國同埋歐洲,當香港獨立關稅地位有機會失去,香港科技以及其他敏感行業,例如航空服務業嘅創辦人,想及早靠攏歐洲勢力,以規避未來美中貿戰構成嘅傷害,亦都係人之常情。

但話說回頭,身邊有不少Tech Startups朋友,部份從事人工智能、機械人技術,亦算落入咗敏感科技行業嘅範疇,如果佢地需要喺美國購入技術,公司未來有機會受到影響。與此同時,美國商務部未來若審視對香港的科技出口政策,亦好有可能影響到香港科技初創嘅生計。

以我所知,呢班朋友公司總部多數都仲設係香港,其中少數有「先見之明」又唔想賣盤嘅朋友,早幾個月,已將公司遷冊新加坡美國等地,營運就繼續留喺香港。

重點係,經過呢幾個月,無論係政治、經濟甚至營商層面都好,香港已不能再容納中間派,大家若要未雨綢繆,而家開始就係時候。

尹思哲
http://linkedin.com/in/wanszezit

investMAN
For People of Style & Substance
掌握理財智慧 感受生活品味
http://investMAN.hk

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載