› 選擇地區
三藩市
紐約
洛杉磯
其他美國地區
香港 台灣 北美
 
2019年10月21日

【操盤手札記】人權法掀金融戰(割柑人)

割柑人指,《香港人權與民主法案》給予特朗普一張人權牌,增添向中方施壓能力。
建立時間 (HKT): 1021 21:00

第20個血色星期日!面對執政者、執法者嘅濫權、濫暴,超過35萬人喺「淚再流」、「恐懼抹不走」之下,繼續上街示威。特首林鄭上周三發表《施政報告》,意圖政治問題,經濟解決,可惜事與願違。市民想要嘅係公義,唔係供樓!

相關新聞:【何車500】中煉化博私有化(何車)

睇番份《施政報告》,最矚目係放寬按揭保險門檻,首次置業申請九成按揭嘅樓價上限,由400萬元調高至800萬元。上車盤指標,頓變800萬元。不過,經濟衰退當前,九成孖展買樓係高風險行為,若樓價跌超過一成,就會變負資產。

被視為美國回應香港示威浪潮嘅《香港人權與民主法案》,上周喺眾議院過關,最快本周喺參議院闖關。法案最辣之處,係美國每年審視香港自治情況,先畀特殊待遇,令到中國重返加入世貿之前狀況,更形成美國同中國「共管」香港嘅政治現實。

相關新聞:【大棋局】香港局勢接近埋尾(Mr.Tregunter)

中美貿易談判口頭上傾掂數,實際上唔穩陣。正當美國總統特朗普手上嘅貿易牌出得咁上下,上述法案畀佢一張人權牌,喺中美爭霸牌局上,增添施壓能力。法案因應香港情況,設有制裁機制,涉及香港嘅國際金融中心地位,有如中美金融戰前哨。

中國上季GDP只得6%,今季有破六風險。中港股市周一先跌後穩,分別微升1點同6點。市場憧憬中國將會推出救市措施,加上美國月底減息機會超過九成,估計恒指整固後,有機再上27000,短線支持睇26500。

中國科學院宣布,研究團隊成功破解非洲豬瘟病毒結構,有助研發新型疫苗。受消息刺激,豬肉股急升,萬洲(288)、中糧肉食(1610)、雨潤(1068)分別飆1.6%、5%、23.8%。
當中,前兩者上半年都錄得盈利,後者則仍虧蝕。走勢上,前兩者呈杯柄突破,不妨留意。

割柑人

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載