› 選擇地區
三藩市
紐約
洛杉磯
其他美國地區
香港 台灣 北美
 
2019年11月19日

【創業起義】點解對香港依然樂觀?(尹思哲)

建立時間 (HKT): 1119 16:32

近幾個月,無論係老朋友新朋友,不管係本地人外國人,話題不約而都係香港。有趣嘅係,大部分外國朋友仍感樂觀,相反香港朋友就悲觀佔大多數。

相關新聞:【創業起義】要跟,我揀跟實李嘉誠(尹思哲)

悲觀唔需要多解釋,但點解樂觀?面對有史以來最大一場危機,見到年輕人挺身而出,見到成年人終於覺醒,香港整體公民意識前所未有咁高,未來應該充滿希望至啱。以上理由我同意,係因為自己都成日講,Silicon Valley is a mindset,not a place,同樣道理,香港最寶貴資產亦係香港人,以及香港一直以來核心價值。

過去幾個月,我同過唔少外國創辦人,包括歐洲同加拿大朋友傾談,大部分人仍視香港為拓展亞洲業務的首選,佢地認為香港長遠而言,處於大國角力的夾縫當中,依然有條件有維持昔日香港嘅優良品牌同國際地位。

相關新聞:【創業起義】借鑑英「佔領香港」 創業要成功:盡做!(尹思哲)

我有位VC朋友Joseph,佢公司Saltagen Ventures喺加拿大多紮根多年,有好強經驗同人脈,投咗唔少當地Startups之餘,最近亦仲帶咗班創辦人嚟香港,連結本地生態圈嘅其他持份者。而最有意思係,佢地呢個項目嘅命名,竟然同昔日香港舊機場有關。

眾所周知,昔日啟德機場極貼近民居,當年為了飛行安全,就於九龍仔公園附近的格仔山(Checkerboard Hill),塗上紅白相間格仔圖案,引領機師轉向降落。個項目以Checkerboard命名,意思係安全地引領加拿大Startups空降至香港以至亞洲,而以我所知,Joseph亦有意帶香港嘅Startups去北美。

Joseph鍾意同睇好人工智能和醫療領域B2B公司,一來可以發揮佢本身喺加拿大多年涉足地產、廣播、零售等唔同行業嘅優勢,二來在北美市場需求極大。

佢亦同我分享,加拿大人口雖然不多、得3000幾萬人,但整個北美自由貿易區就有4.5億人口,重點係加拿大創業成本比美國平得多,幾適合作為開拓北美的試點。事實上,兩地嘅大學院校同樣盛產科技人才,例如DeepMind首席程式員、AlphaGo創始人之一的David Silver,正是師從University of Alberta強化學習之父Richard Sutton。

經過幾個月觀察,我發現香港嘅後生仔有原則有理想,唔會只係向錢看,單係呢點已是上一代所遠遠不及。最重要嘅係,以班後生仔嘅能力同條件,佢地絕對可以立足香港、翱翔國際,如果後生想去外國發展,加拿大會係一個唔錯嘅選擇。

尹思哲
http://linkedin.com/in/wanszezit

investMAN
For People of Style & Substance
掌握理財智慧 感受生活品味
http://facebook.com/investMAN.hk

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載